Hoe kan ek julle dien?

So jaar terug het ek ervaar dat Abba dit op my hart begin plaas om Sy kinders te begin toerus met die pad en lesse wat ek geleer het tot hier. Vandaar die bladsy! Ek bied ‘n verskeidenhied maniere om mense en mede-gelowiges te help om verhouding met God te ontwikkel en groei. Op die oomblik gebeur dit hoofsaaklik op die blog en Bakkiesblad. Ek droom onder andere van ‘n aanlyn mentorskool begin. Wie stel belang? Stuur my gerus ‘n boodskap via die kontakvorm of sommer ‘n direkte boodskap op ons Facebook of Instagram bladsye as jy wil konnekt. Intimiteit met Abba is vir my ‘n groot passie. Ek help graag.

Skrywer

Die blog is volop inspirasie-stukkies wat vertel van die ongelooflike prag in God se hart. Leer Hom ken, Hy is die mooiste mooi!

Mentor

As jy graag ‘n pad met my wil stap wat jou gaan toerus om intimiteit met God te geniet volg asseblief my Ekwipt stukkies en vra gerus vrae!

Spreker

Ek is beskikbaar om my storie van hoop en reis van God-se-hart-ontdek te deel. Ook om aan te moedig dat almal dit kan smaak! Nooi my gerus.

Lewe in Oorwinning

Die tyd het aangebreek! So paar weke terug weet ek net soos wat ek weet … dis tyd vir video! Ek kan nie meer wegskram as Abba sê nou. Life in Victory … ‘n frase wat so gereeld by my opkom oor die laaste klompie maande … is die naam van die nuwe bladjie wat omgeslaan is hier by Anker van Hoop. Dis julle-toerus, net-soos-die-Heilige-Gees-lei, al-my-krag-kom-van-Bo-sessies! Hiermee dan die eerste video vir die swart skape (hulle wat bittermin of glad nie hoop het dat God nog iets wonderliks in en deur hulle lewens kan of wil doen) en almal tussen-in! In die tweede een gesels ons oor identiteit, sooo gereeld ‘n enorme struikelblok op die pad van intimiteit bou met God. Met die derde een vind ons meer uit oor die goud van gehoorsaamheid en leer die wonderlike vrou Wysheid beter ken. Kyk gerus en groei saam!