Ekwipt met Letitia

Hoe kan ek julle tot diens wees?

So twee jaar terug het ek ervaar dat Abba dit op my hart begin plaas om Sy kinders te begin toerus met die pad en lesse wat ek geleer het tot hier. Vandaar die bladsy! Ek bied ‘n verskeidenhied maniere om mense en mede-gelowiges te help om verhouding en intimiteit met God te kultiveer. Op die oomblik gebeur dit hoofsaaklik op die blog, Facebook en Instagram. Ek droom onder andere van aanlyn mentorklasse begin. Wie stel belang? Verder hou ek julle deur ons media uitlaat platforms op hoogte van nuwe verwikkelinge. Dankie dat julle hier is en dat dit vir julle ‘n prioriteit is om daai wonderbaar-konneksie tussen ons en God se harte te vind en na te spoor. Dit is waarvoor ons gemaak is! Moet asseblief nooit huiwer om vrae te vra of jou hart te deel uit jou pad van verhouding-bou met God nie. So help, leer en groei ons saam!

Skrywer

Die blog is volop inspirasie-stukkies wat vertel van die ongelooflike prag in God se hart. Leer Hom ken, Hy is die mooiste mooi!

Mentor

As jy graag ‘n pad met my wil stap wat jou gaan toerus om intimiteit met God te geniet volg asseblief my Ekwipt stukkies en vra gerus vrae!

Spreker

Ek is beskikbaar om my storie van hoop en reis van God-se-hart-ontdek te deel. Ook om aan te moedig dat almal dit kan smaak! Nooi my gerus.

Stuur 'n boodskap na ons sê-hallo!-boks op die blog, 'n e-pos na ankervanhoop@gmail.com of kontak my deur ons Facebook of Instagram bladsy se inboks-funksie. Ek kom terug na julle!

Lewe in Oorwinning

Die tyd het aangebreek! So paar weke terug weet ek net soos wat ek weet … dis tyd vir video! Ek kan nie meer wegskram as Abba sê nou. Life in Victory … ‘n frase wat so gereeld by my opkom oor die laaste klompie maande … is die naam van die nuwe bladjie wat omgeslaan is hier by Anker van Hoop. Dis julle-toerus, net-soos-die-Heilige-Gees-lei, al-my-krag-kom-van-Bo-sessies!

Hiermee dan die 1ste video vir die swart skape (hulle wat bittermin of glad nie hoop het dat God nog iets wonderliks in en deur hulle lewens kan of wil doen nie) en almal tussen-in!

In die 2de een gesels ons oor identiteit, sooo gereeld ‘n enorme struikelblok op die pad van intimiteit bou met God.

Met die 3de een vind ons meer uit oor die goud van gehoorsaamheid en leer die wonderlike vrou Wysheid beter ken.

In video 4 praat ons oor die getrouheid van God veral in seisoene van die lewe waarin ons dit die meeste betwyfel.

Kyk hulle gerus en beweeg nader aan God!