As Anker van Hoop se verskillende platforms ‘n bron van seën is of waarde toevoeg tot jou lewe nooi ek jou graag om verder te lees!  

Vir jare vandat die bediening gebore is was dit partymaal taai, regtig moeilik vir my om hierdie pad van geloof te wandel, te verstaan. Vandag kan ek getuig, die lesse wat hy kom leer is GOUD! Nooit het ek finansieël ondersteuning gevra want aan die begin het Pappa-God vir my kom wys … “Jy kyk vir My nie vir mense nie. Ek is die Voorsiener. Ja Ek gebruik mense maar kyk vir My, Ek sal in mense se harte werk.” ‘n Paar jaar later kom gee Hy toe toestemming … “Jy mag nou maar die uitnodiging versprei. Vra mense om te ondersteun die visie wat Ek vir die bediening het. Vra hulle om saam met My te bou. Gee hulle die geleentheid om seën in hulle lewens in te bring want dit is wat gebeur wanneer hulle in My Koninkryk saai.”

Ek en die bediening het finansies nodig om te doen wat ons doen, veral as ek dit met uitnemendheid wil doen wat my hart is. Geld groei toe rerig nie op bome nie 😉 Aaahh julle verstaan né.  Hierdie nie ‘n manipulasie poging nie. Daar is geen verpligting of veroordeling nie, dis ‘n oop uitnodiging. As julle dit in julle harte het om saam met God Sy Koninkryk op aarde te bou en julle wil my help om Sy plan vir ons te verwesenlik is julle so welkom! Ek kan die werk waarvoor God my geroep het nie alleen doen nie, dis soveel groter as waartoe net ek instaat is, dit benodig ‘n ons.

Maandelikse vriende en vennote is die ideaal want dit stel my instaat om seker en sistematies te beplan en te bou daarom wil ek vra oorweeg dit asseblief. Enige en elke liefdesoffer maak ‘n verskil.  Dankie dat ek eerlik kan skryf en met julle deel. Dis omdat ek hemelse visie het wat leef in my hart, saam met Abba gaan ons beslis iewers heen! Sedert 2013 verryk ANKER VAN HOOP lewens, dit versprei die lewende mooi hoop van Jesus Christus, dit help mense geestelik groei, dit versprei die ongelooflike prag van God se hart, dit gee in aksie om. Hoe vêr kan hierdie boodskap strek? Daar is nog soveel potensiaal!

Ek seën elke donateur van hierdie bediening – gister s’n, vandag s’n en môre s’n – met Abba se beste. Dankie dat julle my hande help om bo te bly!

Baie liefde, Letitia

Bank besonderhede:
Rekening Naam: Anker van Hoop
Bank: Capitec
Rekening Nommer: 1507489631
Takkode: 470010 

Of maak gebruik van hierdie slim, vinnige en veilige betalingsbladsy van Yoco, donateurs van oorsee hierdie manier werk veral goed vir julle.

Watter voorreg het ons om in geloof saam met God aan Sy Koninkryk op aarde te bou! 🙌