Vakansie
Die heerlikste vakansie waarop jy al ooit was
Dink so daaraan
Dis wat tyd met God is
Die beste wegbreek, ooit
Ja baie-baie mense dink nog nie so daaraan nie
Baie mense het dit nog nie ondervind
Maar ja, dis so, dis waar
Die beste brosjures word mos altyd so uitgestal
Op die vertoonrakke van reisagentskappe
Waarnatoe gaan julle volgende?
Julle hou mos van reis…
Die beste, die mees eksotiese plekke
Hulle wag om ontdek te word
Hulle wag vir julle om te vind
Ja sê Abba
Dit is so
Dit is presies-presies so
Presies so
Dat My teenwoordigheid ook wag om deur julle besoek te word
Julle weet mos
Die beste, die meeste eksklusiewe hotelle
Wat wag om mense van oral-oor te verwelkom in hulle midde
Ja hulle wag, die kelners in die restuarante
Die hotel-portiere wat gaste verwelkom wanneer hulle die eerste keer arriveer
Oorlaai met vriendelikheid, oorlaai met gasvryheid
Vir julle gaan ons verseker die beste vakansie van julle leeftyd gee
Ja hulle word opgelei om dit te sê, hulle word so opgelei om dit te bied
Valse beloftes
Ware beloftes
Nie almal is so mooi en so goed soos wat hulle voorblaaie beloof
Gelukkig is dit nie dieselfde met Myne nie
My hotel beloof die beste
My hotel gee die beste
Ja die beste kamerdiens
Wanneer daai klokkie gelui word of is dit wanneer die oproep gemaak word?
Room service please
Reception thank you
Will you do this?
Will you please arrange that?
Ja Ek weet, Ek weet…
Dis presies hoe baie mense My hanteer…
Hoekom nie dit nie
Hoekom nie dat nie
Ek dink dis omdat te veel mense na hulle pype dans
Dan dink hulle, hulle kan ook vir My vertel wat hulle wil
My kinders
Julle moet steeds onthou
Daai respek wat julle het en bewys aan die rykste sakemanne ooit
Daai met geld
Die eerbied…
Dit is wat julle steeds vir My ook moet bewys
Ja julle kan gaaf bly
Sonder om ooit oor en weer te hiet en te gebied
Sien dis die ding
Wanneer mense te gemaklik begin raak
Wanneer hulle nie meer besef maar hulle besoek
Die koning van alle konings se paleis
Beter as Trump se White House sê Abba
Dit is wat Ek julle bied
Met My teenwoordigheid
Sal julle daarvoor begin ja sê?
Sal julle begin sê…
Ek wil dit graag ondervind
Hoekom, hoekom vra Abba
Kom besoek julle nie My WIT HUIS nie?
My kind, dis nou nie dat Ek wil onvriendelik wees en Trump op sy neus wil laat kyk nie
Maar regtig, selfs sy Trump Hotelle kom nie naby wat Ek My kinders bied
Wanneer hulle by My hotel inboek nie
Ja Ek het die beste
Die beste pamper-klinieks
Die beste self-sorg eenhede
Die beste, die beste sê Ek vir julle
Dit wat nog nie by mense opgekom of hulle aan gedink het nie
Dit is wat Ek voorberei het vir hulle wat My ken
Dalk het julle vergeet…
Strate van goud
Dit is wat Ek bied
Strate van goud
Het julle dit al gesien of ooit ervaar op planeet aarde?
Nee Ek bedoel nie die goud om julle ringe te laat blink nie
Ek bedoel die strate waarop julle gaan loop
Ek sou sê dit is nogals iets wat My kop en skouers vêr bo die ander contenders laat uitstaan
Julle weet dis mos wat julle vir die reisagente vra
Wat maak hierdie plek anders as al die ander plekke wat ons kan gaan besoek?
Ja julle soek altyd die uitsonderlikste van uitsonderlikste plekke
Steeds het julle nog nooit by My kom aandoen?
Hoekom, hoekom nie vra Abba
Hoekom nie?
Ja julle mis uit
Hierdie meeste eksotiese plek ooit
Hierdie gem of a place
Hy wag vir julle om hom te kom besoek
En dit, dit lê als in My teenwoordigheid
Julle weet soos wanneer julle onder masseuses se hande lê né
En hulle begin julle koppe en lywe so masseer
Dan maak julle julle oë toe
En julle word getransporteer na ander plekke
Ja die beste plekke
Die heel-heel beste plek
Dit voel so lekker, dit voel so verfrissed
Julle wil net meer hê
Julle wil net nie daai oë van julle weer oopmaak nie
Nee, nog ‘n bietjie
Net nog ‘n bietjie van hierdie amazing wonder
Kan dit nie net nog ‘n rukkie langer aanhou nie?
Oe dit is die beste, dit is net een van die heerlikste gevoelens ooit
Een van die wat julle rerig wil hê moet net nooit ophou of vervaag
Dis mos hoekom julle terugkeer na die masseer-plekke nie?
Dis hoekom julle aanhou teruggaan
Dis hoe dit is met My kinders ook
Die wat nou al ontdek het en genoeg aangedoen het by My Hemelse Hotel
Hulle sê oor en oor We Are Returning Customers
Ons wil rerig weer ervaar
Die wonderlike diens wat julle ons laas keer gebied het
Sjoe dit was ‘n ondervinding en ‘n half
Regtig, dit was net iets besonders
En ons wil dit weer beleef
My kinders, dis presies
Die presies hoe dit met My ook is
Ek bied julle ‘n belewenis uit hierdie wêreld
‘n Belewenis uit hierdie wêreld
En al wat julle sê is
Nee, volgende keer
Dalk, dalk volgende keer
Ek wil julle ‘n belewenis bied, elke keer, wat julle sal onthou
Ja julle weet
Julle wat gereeld kom kuier
Julle weet hoe word My gaste trakteer
Die beste
Die beste salon-aanbiedings
Die beste bederf-pakette
Julle kan kies
Waarvoor is julle vandag lus?
‘n Pedi in die gees of is dit dalk ‘n massering?
Waar is die seer?
Waar is die styf?
Waar is die swaar?
Ja ons wil dit ook uitdruk en uitvryf met ons behendige en ervare hande
Ons wil vir daai stywe knots in jou skouers laat verdwyn en ligter maak
Dis wat gebeur
Dis wat gebeur wanneer julle deel
Wanneer julle oopmaak, wanneer julle sê…
Dit is waar die probleem lê, asseblief druk en werk daar
Ja ons hoor die “instruksies” van ons “kliënte” baie mooi
Oe okay, okay
Ons sien, ons hoor
Laat ons daaraan werk
En dit terwyl die spyseniers en kelnerinne inkom om te kom hoor
Is daar enige spesifieke happies of drankies wat ons vir julle kan voorberei?
Ja julle vertel hulle mos
Die mense met wie julle gesels by die rykste hotelle
Dis hoe ek daarvan hou, dis hoe ek dit nie verkies
Soos ‘n steak wat mens gaar maak … ek hou van dit sus, ek hou nie van dit so
Julle laat hulle mos weet
Sodat hulle die beste diens vir julle kan bied
Maar weet julle wat is die beste vir My
Dis vir My en ons so belangrik
Om regtig die voorkeure en beswil van ons kliënte bo alles te hou
Wat is vir hulle belangrik?
Waarvan sal hulle hou?
Ja Ek vra My kliënte waarvan hou hulle en waarvan hou hulle nie
Soos wanneer iemand ‘n bord op sy deur hang wat sê
Do not disturb gaan ons wragtie nie aan jou deur kom klop
As iemand sê van dié musiek hou ek nie dan kyk ons, kan ons vir jou iets anders bied
Ja dis nie te sê
Julle gaan altyd-altyd julle voorkeure kan geniet nie
Daar is mos ook ander kliënte vir wie ons ook ‘n graag ‘n wonderlike belewenis wil gee
Maar met elke versoek wat ons kan waar maak
Kan julle verseker weet
Ons sal
Ons sal vir ons kliënte die heelbeste gee!
Dis mos ook waarna julle soek, wanneer julle die reis brosjures deurgaan nie?
Aanlyn of op die rak?
Die beloftes van puik diens
Die Google Reviews wat julle kan gaan naslaan
Ja dit help nogals né, wanneer julle julle besluite maak…
Wat sê ander mense wat daar was?
Beveel hulle dat ‘n mens gaan of moet ‘n mens eerder net wegbly?
Sien dis die ding
Dis rerig-rerig die ding
Julle wil weet, boek ek ‘n kat in die sak of is dit die moeite werd?
Mense gee mos om daaroor
Hulle wil nie hulle geld waarvoor hulle hard gewerk het net mors op dit wat nie eintlik waarde dra
Ja, dit bring My by My kind op die Kruis
‘n Duur-duur prys wat Ek daai dag moes betaal
Maar Ek glo
Ek glo steeds dit was die moeite werd
As dit nie was dat Hy gekom het
En julle ‘n kans kom gee het om My Hotel te besoek nie
Was daar nooit ‘n kans vir julle nie
Ja dis soos ‘n boemelaar wat by ‘n hotel wil ingaan…
Verslons en verslete
Die sekuriteitwagte gee hom net een kyk dan weet hy sommer hier is nie plek vir hom
Gaan bedel maar op ‘n ander plek
Of is dit soos ‘n bespreking wat ‘n persoon nie gemaak het nie
Maar dan wil hy vra, kan jy plek gee asb?
Ja dis hoekom hulle vra, die mense by die ingangstoonbank
Waar is jou bespreking
Meneer/Mevrou waar is jou bespreking?
En dan die verligting en flinke diens wanneer hulle sien jy het betaal, jy is geboek
Daar is plek vir jou
Meneer/Mevrou jy kan maar deurgaan
Geniet jou verblyf!
Ja My kinders, ja
Dis maar hoe dit in die Gees ook werk
Kom boek in by My hotel
Kom sien wat het Ek vir julle beskikbaar gemaak deur die bloed en prys van My Seun
Soos Ek sê, dit was ‘n duur prys
Maar ja
Elke keer as ‘n kliënt of gas kies om by ons Hotel te kom aandoen
Dan word My hart warm en Ek voel trots
Dat ons die beste is
Ja dis mos lekker, vir enige hotel of diensleweraar wanneer mense vir jou sê…
Sjoe ja-nee, julle diens is puik
Ons kan nie kla nie
Regtig-regtig dis uit die boonste rakke
Wat sou julle verbeter, as julle kon?
Waar sou julle iets anders doen?
En dan te hoor…
Nee regtig, dis puik
Dis puik, dis puik
Daar’s hier en daar dalk ‘n klein-klein dingetjie maar dis nie eers die werd om genoem te word
Want die totale ervaring was net ongelooflik
Ongelooflik dis hoe Ek ook voel
Wanneer julle kom en dit vir My vertel
Ja Ek hoor dit vele male, sonder tal
Deur die eeue, steeds nou
Dankie dankie Jesus
Dankie dat U gekom het
Dankie dat U my sonde se prys kom betaal het
Dankie Jesus
Dankie dankie
U is die grote Een
Die Een waardig om deur al die eeue geprys en aanbid te word
Ek sou sê ons is ‘n 7-ster hotel
Die beste
Die heel-heelbeste wat mense kan kry
Ons 7-ster hotel het nogals baie komplimente
Julle moet net gaan kyk
Die beste in die Mark! Verseker!
Boek by hulle in nou!
Jy sal nie spyt wees!
Jy mis uit as jy nie gaan!
Dis mos wat julle laat glimlag
Dis mos wat vir julle vrede in die hart bring wanneer julle boek
Ek het die beste keuse gemaak
I did my due diligence
Vertrou die mense wat vir julle sê dit is die plek
Dit is die plek wat julle moet gaan besoek!
Jesus se teenwoordigheid
Daar is NIKS soos dit
Daar is soveel Reviews daarbuite
Julle kan net gaan luister en gaan kyk
Jesus and His goodness Testimonies please … #InternetSoekIdee
En ta-da!
Daar is ‘n hele biblioteek van My
Op die Internet
Julle kan net gaan kyk
My travel brosjures kan mens orals kry
Oral-oral oor sal julle sien
Ons bly julle nooi!
Hou aan met julle goeie werk
Sê vele vir ons
Hou aan, julle doen regtig goed
Selfs al is die Mark anders op party plekke
Selfs al stel nie almal belang
Selfs al is julle nie bestemming nommer 1 vir vele
Jong, julle doen reg
Julle moet aanhou
Julle is ‘n aanwins vir hierdie wêreld, beslis!
Ons sal ons kliënte die beste bly bied
Hulle op die hande dra
Tot hulle eendag hierdie aardse “huis” vir hulle hemelse een verlaat
Dan sal hulle aandoen by die Hemelse Hotel
Die een wat Ek hulle nou bied is ‘n vae afbeelding, ‘n proesel van wat kom
Die beste, die heel-heel-beste kom nog
Vir die wat sal sê ja, vir die wat op aarde gesê het ja
Sien dis jou besprekingskaartjie
As jy eendag daar kom gaan hulle vir jou vra…
Meneer/Mevrou waar is jou besprekingskaartjie?
En dan gaan jy moet antwoord
Dan gaan jy moet weet
Ek is gered deur Jesus se bloed
Hy het vir my betaal
Oe ja dis reg Meneer/Mevrou ons sien jou rekening is vereffen
Kom asseblief in
Jy is welkom om te bly, solank as wat jy wil!
En dan die vreugde, die vreugde wat jy gaan ervaar
Omdat jy gaan weet, ek het reg gekies!
Watter wonderlike vakansie wag op my
Hier wil ek vir altyd bly!
“Maar daar staan geskrywe: ‘Wat die mens nog nooit gesien of gehoor het nie, en wat in geen mens se hart
ooit opgekom het nie – dit het God gereed gemaak vir dié wat vir Hom lief is.’” (1 Korintieërs 2:9 NLV)