Anker van Hoop

Etiket: geloof+in+God

  • Onverwagse Brander

    Onverwagse Brander

    Die lewe is hard Abba
    Ongenaakbaar
    Mense maak seer
    Hulle kry seer

    Mens kan net bid
    Dis wat mens so gereeld dink
    Wat om te sê
    Wat om te doen

    Hoe om die lewe
    Ligter vir mense te maak
    Dra mekaar se laste sê die Woord
    Hoe doen ons dit?

    Doen ons dit genoeg?
    Abba help ons asseblief
    Om die wêreld se swaar
    Van mense se skouers te help haal

    Om te sien
    Om te weet
    Jesus gee om
    En Hy wil graag help

    Soveel, soveel kere
    Skiet woorde net te kort
    Wat kan ons sê?
    Wat kan ons doen?

    Om hierdie probleem
    Ligter te maak
    Ding is
    Ons kan nie noodwendig nie

    Ons kan net bid
    Dat die slae wat hierdie wêreld
    Soms uitdeel
    Mense nie sal uithaal

    Maar sal oplig
    As wonderwerke
    Met die krag en genade
    Van ons Pappa van Bo

    Die wêreld slaan hard
    My kinders
    Baie hard
    Ek weet

    Onderste bo
    Soos ‘n brander uit die bloute
    Wat julle glad nie gesien kom het
    Hoe kry ek weer my houvas

    As die grond onder my mee gegee het?
    Alle vaste fondasie het verdwyn
    Ek trap water!
    Waar is die vastigheid onder my!?

    En dan sluk jy water
    En jy verdwyn
    En jy wonder
    Hoe gaan ek dit maak?

    Hoe gaan ek oorleef?
    En dan skielik
    Skielik is die vastigheid weer daar
    Ek voel dit

    Ek vind dit
    Die vastigheid is daar!
    Soms My kinders
    Soms word julle van julle vastigheid beroof

    Die branders kom
    En stamp en stoot julle
    Van julle voete af
    Net soos tipiese branders van die aarde

    Was julle al in die see?
    Het julle al daarin rond geswem?
    Hoeveel kere
    Het hulle al julle ewewig gekos?

    Ja die een oomblik
    Staan julle nog
    En die volgende oomblik
    Het julle koppe onder die water in verdwyn

    Ek is die lewensredder
    Sê Abba
    Wat My kinders altyd sal red
    Ja baie kere sien Ek

    My kinders is katswink geslaan
    Bewusteloos dryf hulle rond
    Soos ‘n drenkeling
    Opsoek na lewe, opsoek na hoop

    My kinders
    Ek sien
    Ek weet!
    Ek kan die “golwe” van hierdie wêreld nie altyd keer

    Maar Ek kan seker maak jy weet
    Ek is hier!
    Soos ‘n drenkeling sonder dryfhout hoef jy nooit te wees
    Ja soms dobber jy vir dae in die donker

    Jy wonder hoe gaan ek oorleef
    Hoe gaan ek dit maak?!
    Het God van my vergeet?
    Godsverlate dis hoe baie mense hier begin voel

    Die haaie begin om jou draai
    Hulle soek jou bloed
    Dis hier waar die vyand rerig vir jou lieg
    Jy is alleen, niemand gee om vir jou

    Maar dan kom die dolfyne
    Die mense wat omgee
    Die mense wat dra
    Die mense wat liefhet, wat die haaie verjaag

    Hulle kom verbind die wonde
    Hulle kom maak die seer sag
    Hulle kom vee die hare en sand weg uit julle oë
    Hulle kom fluister in jou oor

    Hou moed
    Môre sal die son weer skyn
    Hou moed
    Jesus is nog daar

    Ek weet My liefste kinders
    Ek weet
    Die lewe kom deel soms uit
    Harde, onverdiende slae

    Tog wil Ek dat julle sal weet
    Ek is groter as die grootste seer
    Ek is groter as die grootste slae
    Ek is groter

    Ek is groter as die grootste brander
    Wat ooit jou voete onder jou kan uitslaan
    Wanneer die lewe kom en hy gebeur…
    Weet, Ek is die vastigheid

    Wat weer die bestendigheid
    Onder jou voete sal kom plaas
    Stadig en seker
    Soos wat jy trap-trap, voel-voel

    Waar is die vastigheid
    Beweeg links
    Beweeg regs
    Voel-voel

    Vorentoe voel
    Agtertoe voel
    O ja, okay hier is hy!
    Die sandduin in die middel van die oseaan-water

    Daar is hy!
    Ek het hom gevind
    Vastigheid onder my voete
    Die Rots wat nie kan verdwyn!

    Al swel die water soms en is onbeheers
    Sterk is daar ‘n Anker in die lewe
    Wat ons bo hou
    Anker van Hoop sê sommiges soms

    Die een waaraan ons kan hou, al is dit soms klou
    Geanker in Jesus as storms om my gaan
    Net soos die liedjie sê
    In Sy krag, sal ek bly staan!

    Vat hoop My kinders
    En weet
    Die EK IS
    Is met julle

    Amen.

  • Restorasie Proses

    Restorasie Proses

    Opgesluite potensiaal
    Soveel van God se kinders
    Hulle sit met opgesluite potensiaal
    Soveel waarde en krag wat in hulle lê

    Opgesluit lê hulle en wonder
    Wanneer, wanneer gaan die mens wat ons dra se oë oopgaan?
    Wanneer gaan hulle besef
    Ons sit in donker en wonder

    Here gebruik eerder ‘n ander een
    Nee My liefste kind
    Dogter, seun
    Dis jy, jy is die een wat Ek wil gebruik

    Waardeloosheid hou My kinders teë
    Hulle meet hulle waarde met hulle treë wat soms verkeerd stap
    Ek wonder
    Hoe lank gaan dit neem sê Abba

    Vir My kinders om te besef
    Die waarde wat hulle het is reeds bepaal
    Bepaal aan die Kruis van Golgota
    Die dag toe My Seun sê

    Pappa Ek sal gaan
    Ek sal hulle gaan haal
    U kinders terugbring
    Vir hulle gaan sê hulle het nie te vêr geval

    Ek sal hulle terugbring
    Herinner aan die woorde wat U gesê het
    Toe U hulle klaar gemaak het
    Dit is baie goed

    Pappa hulle is geskenke
    Geskenke aan hierdie wêreld gegee
    Hulle sien dit nog net nie Abba
    Want hulle hou aan om hulle ore vir die duiwel uit te leen

    Liefste Pappa
    Ek sal gaan
    Hulle terugbring
    Soms gaan dit moeilik wees My Kind

    Hulle gaan jou nie almal aanvaar
    Hulle gaan jou verwerp
    Met hulle tonge uitmekaar skeur
    Hulle gaan so ‘n omgedopte prentjie met hierdie wêreld deel

    Ek is nie goed
    Ek wil hulle net haat
    ‘n Bespotting van hulle maak
    En hulle Hel toe stuur

    So asof dit My die grootste bevrediging gee
    Hierdie wêreld My kind
    Hulle gaan nie vriendelik met jou wees
    Inteendeel jy gaan heelwat kere op jou tande moet kners van pyn en frustrasie, seer

    Hulle gaan nie sien soos Jy sien
    Hulle gaan nie weet wat Ons weet
    Jy sal hulle moet leer
    Ons gaan hulle ‘n Boek moet gee

    ‘n Boek vol van Ewige Waarhede
    ‘n Boek wat hulle sal help sien
    Want soos wat hulle hom gaan lees
    So gaan die skille begin afval

    Een vir een kind
    Een vir een gaan hulle begin val
    En My kinders meer en meer die Waarheid begin leer
    Soos in My hart

    Dis ‘n transformasie proses om soos Jesus te word
    Maar een vir een gaan hulle leer
    Meer en meer
    Ons Lig en Waarheid op aarde reflekteer

    Liefste Seun, liefste Een
    Sal jy gaan
    Sal jy vir hulle gaan vertel
    Ek wil hulle steeds hê?

    Ja selfs al het die wêreld hulle seergemaak
    Selfs al het sy dinge vir hulle kom vertel wat hulle rond-om geglo en van My verwyder het
    Sal jy Seun, steeds gaan
    Al gaan dit vir jou baie seer inhou?

    Seun hulle gaan vir jou seermaak
    Hulle gaan jou liggaam breek
    Fisies Seun gaan jy vermink wees
    Onherkenbaar vir die wat jou gaan ken op aarde

    Kind hulle gaan vir jou seermaak
    Die wraak en rebellie van hulle sondige geaardheid op jou uithaal
    Sal Ek dit kan doen Pappa?
    Sal Ek dit regkry?

    Sal dit nie te veel vir My wees?
    Pappa hoe, hoe gaan Ek dit regkry?
    Dit klink te groot vir My Pappa
    Vreesaanjaend

    Dit maak My skoon bang en benoud
    Hier diep binne
    Pappa hoe
    Hoe gaan Ek dit regkry?

    Dis ‘n groot eina
    Om so ‘n lydingspad deel te raak
    Maar Ek sal gaan Pappa
    Gaan as dit is wat U plan vra

    Ek weet, Ek weet … U sal met My wees
    My kind
    My liefste liefste Seun
    Eersgeborene van God

    Ek gaan die Heilige Gees saam met jou stuur
    Met Sy krag sal jy dit kan doen
    Hy gaan vir jou versterk die kere wat jy nie meer kan
    Of die pad wil loop

    Die Heilige Gees gaan vir jou herinner en help om te onthou
    Als wat ons hier en nou gesê en besluit het
    Jy gaan om My te verteenwoordig
    Okei My kind

    Doen jy net jou beste
    Ek sal die res doen
    Ek sal hulle terugbring
    Een vir een

    Aanhou tot Ek nie meer kan nie
    Jou bloed sal nie verniet vloei nie My kind
    Jou bloed gaan waarde dra
    Tot die bitter end

    Dit gaan seer gesond maak
    Dit gaan wonde heel
    Dit gaan bloed-wit-gewastes maak
    Van die wat swart was van die sondekleed wat hulle dra

    Ja My liefste Seun
    Ons gaan vir hulle nuwe klere vat
    Rein-Gewas, Wit-Soos-Sneeu
    Dis die name wat op hulle sal staan

    Jesus s’n
    Jesus s’n
    Wit gewas, skoon gewas
    Jesus s’n

    Hoekom kinders
    Hoekom sit julle nog met die donker klere van Verwerping en Nie-Goed-Genoeg?
    Trek uit liefstes
    Trek uit daai ou en dooie klere

    Hulle herinner julle net aan wie julle was sonder My
    Trek uit, trek uit
    Begin in julle nuwe identiteit wandel
    Begin ontdek wie julle in Christus is

    Begin vind als wat in en deur Hom moontlik gemaak is My kinders
    ‘n Lewe vol oorwinning
    My Lewe en Lig wat deur jou skyn
    Sodat ons meer mense kan vertel

    Die wonder, die wonder van wie Jesus is
    Wat Hy kom doen het, vir elkeen wat sal glo
    Hom aanneem as Verlosser
    Saligmaker van hulle harte

    Neem afskeid kinders van gister
    Julle hou aan klou
    Aan die vleispotte van Egipte
    Terwyl julle Beloofde Land wag om in besit geneem te word

    Liefstes seblief
    Wees dapper
    Soos Josua en Kaleb
    Hulle het gesê … Ja daar is reuse om te verslaan

    Maar God is groter as hulle
    Ja die verspieders was vol twyfel
    Twaalf het gegaan
    Tien het terug gekom met ‘n negatiewe rapport

    Ja liefstes
    Dis wat julle ook baie doen
    As Ek sê … Kind jy sal moet laat gaan van dit en dit
    Ja julle wonder reeds … nee ek sal nie, nee ek wil nie

    Kind kan Ek net sê
    Jy kan jou nie in Egipte en die Beloofde Land op dieselfde tyd bevind nie
    Dis een van hulle
    Nie albei

    Maak seblief die keuse
    My kind
    Om deur die Rooi See te trek
    Laat jou doop

    Maak daai doelbewuste besluit
    Vandag trek ek en ek kom nie weer terug
    Ek gaan daai nuwe pak klere waarvoor Jesus betaal het aantrek
    Ek gaan skitter en blink daarin!

    Ja liefstes
    Laat julle doop
    Laat julle gevul word met die krag van My Heilige Gees
    En julle sal sien hoeveel makliker die pad raak

    Nooit sonder stampe en stote
    Maar met ‘n aanhou wat julle sal verstom
    Kom kruip weg My kinders, kom kruip weg by My
    Ek is die Heilige van Israel

    Die Hoogste God, die Hoogste Een
    Verheerlik My dan asseblief met julle lewens kinders
    Verheerlik My met die teruggee van julle lewens
    Met die vertroue en hoop wat julle in My stel

    Julle is gemaak vir groter dinge kinders
    As waarby julle bly
    Soos hoenders bly julle pik tussen die aardse
    Terwyl hemelse vlugte op jou as arend wag

    Kom My kinders
    Kom lig daai kenne
    Begin besig raak met die dinge van die Gees
    Daar waar Lewe en Lig lê

    In verhouding met My
    Die gordyn is geskeur
    Alle skeiding verwyder
    Tussen My en jou

    Kom deur Jesus
    Sy wonde het betaal
    Geen ander het Sy las gedra
    Geen mens kan die eer daarvoor kry

    Ek is die Een
    Wat die sleutel van die Hemel hou
    Kom sluit oop die deur daarna
    Met jou oorgawe aan My

    Leer My ken liefste
    Die Een wat gekom het
    Sodat God se kinders
    Weer Syne genoem kon word

    Identiteit en Waarde is herstel
    Die restorasie-proses in plek gesit
    Die dag toe Jesus sê
    Dit is volbring

    Hou aan kinders
    Hou aan om Hom Heer en Meester te noem
    Hy is dit waardig
    Net Hy, net Hy

    Het met Sy bloed betaal
    Kosbare bloed
    Die bloed wat nooit sy krag sal verloor
    Vind jou identiteit daarin

    In Jesus se Naam, Amen.

  • Hoop vir jou dag! 🍁

    Hoop vir jou dag! 🍁

    Partykeer as die lewensstorms woed en ons kry net nie gewen in hierdie aardse stryd wat mens DIE LEWE noem nie is dit menslik, so menslik om te begin twyfel aan God se daar-wees. Want. ‘n Mens kry Hom en Sy nabyheid net nie gevoel nie. En ons wil so graag daai sekerheid hê in die Hy-voel-so-vêr en asof-Hy-glad-nie-omgee-nie.

    Ek het al so gevoel. Alleen en heeltemal verlate. Ja God-verlate. Maar dan … saggies … hoor ek hoe Sy Gees kom herinner … Het jy jou Woord gelees? Sal jy onthou … dit sê … Al gaan jy deur dale van doodskaduwees, Ek sal by jou wees. Al wil die waters jou boot binnestroom en oorstroom, al wedywer die oondvure om warmer as mekaar te wees … hulle sal nie die oorhand kry.

    Die Woord sê ook … God Sjamma … God Altyd daar. Dis een van Sy kosbare name. Weet dit vandag liewe kind van die Almagtige. Jy mag hoe alleen VOEL maar dis net nie waar nie want GOD se WOORD kan nie jok nie en dit beloof … Ek sal jou NOOIT begewe of verlaat nie (Hebreërs 13:5).

    Ek dink dis waar geloof inkom. Ons moet glo. Dit wat ons nie kan sien of noodwendig ervaar nie (Hebreërs 11:1). Dis hoe ons geloof sterker spiere bou. Weet dit vandag liewe boetie en sussie, jou glo, dit is die moeite werd.

    🍁 Geseënd is jy!

    Die woorde van die Here is rein woorde, silwer wat gelouter is in ‘n smeltkroes in die aarde, gesuiwer sewe maal.

    – Psalms 12 vers 7. #onskangodmaarglo #godismeerasonsemosies
    Ek nooi jou graag om ons ook op Facebook te volg as jy sou belangstel.
    Partymaal deel ek prentjies, ens. daar wat ek nie alles hier op die blog plaas nie.
    En ook andersom. Hulle werk maar so hand aan hand! ♥
  • Glorieryke ontdekkingstog

    Glorieryke ontdekkingstog

    U is rustigheid
    U is vrede
    U is hoop
    U is als wat so graag in my hart wil woon

    Kind sê Pappa
    Kom nader
    Kom sien
    Daar is soveel meer voorberei

    Vir jou
    Vir julle
    Vir almal
    Wil Ek so graag wys die diepte van My hart

    Kom verken
    Sê Pappa
    Kom Ek nooi jou nader
    Sal jy seblief nie sê nee

    Moenie agterweë bly nie
    Kinders sê Daddy
    Asseblief veel meer
    Het Ek vir julle voorberei

    Julle ken My nie kinders
    Sê Pappa-God
    Soos Ek so graag wil hê
    Julle moet My ken

    Nader sê Pappa
    Nader
    Altyd-altyd nader aan My
    Dis My grootste hartsbegeerte

    Julle wonder
    Sê Pappa
    Te gereeld
    Wat is hierdie meer waarvan Ek praat

    Oe kinders
    Sê Pappa
    Dis die lieflikste mooi
    Wat enige iemand ooit sal kan opspoor

    Dis Ek
    In My mooiste glorie
    Sê Abba
    Dis Ek in My heelmooiste glorie

    Dis Ek in My volmaakte mooi glorie
    Waarna jy elke dag
    Meer
    En meer kom soek

    Oe liefste kinders
    Sê Pappa-God
    Asseblief asseblief kom verken
    Daar’s soveel meer wat Ek julle wil gee

    Julle harte is diep
    Sê Pappa-God
    So gereeld kom sê julle
    Daddy-God rerig ek wil meer van U hê

    Sal U asseblief my hartskapasiteit vergroot
    Pappa-God
    Sodat meer van U wonderlik-wees
    In my hart kan woon

    Oe Pappa-God se kinders
    My liefstes
    Liefstes van my hart sê Pappa
    Dis die gebed wat Ek wil hê julle moet begin bid

    Pappa se kinders
    Myne
    Liefstes
    Julle is tevrede met so min van My

    Liefstes sê Pappa-God
    Asseblief kom nader aan My
    Kom verken My hart
    Kom sien julle het nog nie die bodem in My ontdek

    Oe gereeld
    Sê Pappa-God
    Kinders wat Ek julle vra
    Kom verken tog My hart

    Liefstes sê Daddy
    Daar is ‘n verkenningstog julle
    Waarop Ek elkeen van My kinders
    So graag wil neem

    Sal julle My toelaat liefste kinders
    Sê Pappa-God
    Asseblief
    Om julle saam met My op hierdie wild crazy adventure te neem

    Oe sê Abba-God
    Daar is ‘n liedjie soos dit
    Het julle hom al gehoor
    Dalk moet julle hom bietjie gaan opsoek 😉

    Oe kinders
    Sê Abba
    Dis ‘n wonderlike liedjie
    Dit vertel met opwinding van dit wat Ek instoor hou

    Liefstes sê Pappa
    Meer en meer
    Dis ‘n ontdekkingstog
    Waarop Ek julle wil neem

    Gereeld sê Daddy
    Sê baie van julle nee
    Nee hoekom moet ek meer uitvind
    Ek is dan so tevrede met wat ek alreeds het

    Kinders sê Daddy-God
    Vir My is dit al so afgesaag
    Julle sing oor en oor dieselfde deuntjie
    Hoekom wil julle nie meer oor My wonderlik-wees weet nie

    Oe sê Daddy
    Dit maak so seer
    Die wete dat julle rerig met oppervlakkige kennis oor My
    Tevrede wil bly

    Ek weet dis vir julle kosbaar
    My liefstes
    Sê Pappa-God
    Baie van die oppervlakkige kennis wat jy reeds van My het

    Ek wil maar net sê
    Pappa se kinders
    Kom soek na meer
    Kom soek na alles van My

    As julle gedink het
    Sê Pappa-God
    Dat julle tevrede is met die min
    Laat Ek julle die dieper wys!

    Kinders sê Pappa
    Dis net omdat julle nog nie weet
    Of besef
    Wat Ek nog instoor vir julle hou

    Oe ja sê Pappa
    Daar’s soveel-soveel meer
    Ek soek net honger harte wat bereid sal wees om te sê
    Daddy-God ek is net nie meer tevrede met wat ek van U weet

    Daddy ek wil U kom verken
    Daddy-God ek wil kom uitvind
    Wat is dit
    Wat is dit wat nog vir my wegkruip?

    Oe liefstes sê Daddy
    Julle sal julle harte
    So so verbly
    As julle dit net wou doen

    Oe geliefdes sê Daddy-God
    Geliefdes van My hart
    Soek My asseblief
    Sodat julle meer van My kan vind

    Dis net die met ‘n honger in hulle hart
    Wat regtig
    Die meer en dieper in My
    Ooit sal kan opspoor

    Ja-nee sê Daddy-God
    Ek verberg My dikwels vir ‘n rukkie
    Gooi ‘n klippie in die bos
    En kyk wie sal kom kyk

    Ja sê Daddy
    Wie sal kom kyk
    Wie sal kom kyk
    Na die ritseling in die bos

    Oe geliefdes sê Pappa-God
    Ek wag vir julle
    Ek wag vir julle
    Om die aas van My liefde en dieper-kom-verken te vat

    Hoekom, hoekom
    Hoekom sê Daddy
    Kom soek julle net nooit
    Na meer van My

    Oe geliefdes
    Seblief sê Daddy
    Kom soek
    Kom soek na meer van My

    Ek het al begin tone tel
    Sê Pappa-God
    Ek het al begin moeg word
    Een en een maak twee, een en twee maak drie

    Oe Ek is al hoogs verveeld
    Hoog sê Pappa-God
    Ek weet nie
    Dalk moet Ek die bos met ‘n hoop klippe bestook

    Oe kinders
    Sê Daddy-God
    Ek sien julle
    Ek sien julle verby die bos loop

    Hoekom kyk julle nie op nie
    Hoekom kyk julle nie op na waar Ek julle in oog hou
    Oe seblief kinders sê Pappa-God
    Kyk op na My

    Oe Daddy se kinders
    Hoekom
    Hoekom laat julle toe
    Dat die wêreld julle so verlei

    Dit gebeur te gereeld
    Sê Pappa
    Te te gereeld
    Dat julle My toelaat om uit sig te verdwyn

    Kinders sê Pappa
    Ek weet nie of julle weet
    Maar dis tyd om te begin besef
    Daar is meer wat om julle aangaan

    Ja sê Daddy-God, ja
    Julle is so verdiep in aardse goed
    Julle sien nie eers meer
    Waarmee Ek besig is

    Hoekom is dit so
    Vra Pappa
    Hoekom laat jy toe
    Dat die wêreld jou so mislei

    Oe Abba-God se kinders
    Ek wil julle vra, rerig
    Begin My hoor
    Vanuit die bosse waaragter Ek fluit

    Ja Ek probeer julle aandag trek
    Hard en duidelik
    Maar al wat hoor
    Is julle

    Hoeveel duideliker sê Pappa-God
    Moet Ek dit vir julle maak
    Kind sê Daddy
    Moet Ek jou op die skouer kom tik

    Oe Daddy-God se kind
    Oe Daddy-God se kind
    Hoekom is dit so
    Dat jy My met groot verbasing op die gesig in die oë sal kyk

    Ja verboureerd en verward
    Sal jy dan om jou rondkyk
    Jy sal sê, jy sal stotter
    Waar, waarvandaan af kom U nou?

    Oe Abba-God se kind
    Ek sal sê
    Ek wag vir jou
    Ek is nog heeltyd hier

    Nee My kinders
    Julle weet mos tog
    Dit is net niks lekker
    Om met min-belangstellendes te speel

    Ja-nee sê Pappa-God
    Daai mense wat vir jou kyk
    Maar jou nogsteeds nie eintlik sien
    Want hulle gedagtes is alreeds op ‘n ander plek

    Oe kinders
    Sê Daddy
    Julle ken dit mos
    Julle weet presies waarvan Ek nou praat

    Dis net nie lekker
    Sê Pappa-God
    Om julle in die oë te kyk
    En te sien julle wil nie eintlik met My speel

    Oe Abba-God se kind
    Ek wil julle belangstelling op-wek
    Met hierdie briefie wil Ek sê
    Daar is soveel meer, sal jy ASSEBLIEF kom soek

    Oe dit gebeur te gereeld
    Te gereeld
    Dat julle net nooit wil
    En dat julle dan net g’n idee het waarop julle uitmis

    Oe geliefdes
    Sê Abba
    Liewe liewe geliefdes
    Julle sal My woord hiervoor moet vat, punt

    Ja sê Daddy
    Ja dit is so
    Ek kan nie aanhou om julle die heeltyd te lek
    Oor en oor te smeek

    Dit sal die moeite werd wees
    Kinders dit sal
    Kinders julle sal dit sien
    Julle sal dit beleef!

    Kyk sê Daddy
    Hierdie wêreld lê vol van My waarborge
    As jy dit sal doen, sal Ek dit doen
    Kinders sê Daddy, hulle is oral-oor

    Kom sê Daddy
    Kom
    En kom sien
    Hy wat glo, hy sal sien

    Ja sê Daddy
    Ja dit is so
    Julle glo My waarborge te min
    Dis hoekom julle aanhou om uit te mis

    Kinders sê Pappa
    Hoekom
    Hoekom is dit so
    Weet julle nie dat Ek die Een is wat ewig leef?

    Wat verstaan julle nie
    Sê Pappa
    Wat verstaan julle nie
    Ek is die Ewige Mooi Een

    Julle dink te gereeld
    Sê Abba
    Dat dit nie so is
    Dat Ek nie die waarheid praat

    Ek is die onvergelykbare wonderlike Een
    Kinders sê Daddy
    Daar was en sal nooit
    Een soos Ek wees

    Maak dit nie alles die moeite werd nie
    Kind sê Daddy-God
    Hoekom, hoekom is dit nie genoeg
    Om die belangstelling van jou hart te wen

    Ek wens so dit kon anders wees
    Sê Pappa
    Ek wens jy kon besef
    Wat klop regtig aan jou deur

    Kinders sê Pappa
    Luister
    Luister asseblief vir My
    Pappa weet waarvan Hy praat

    Hierdie wêreld en haar plesier
    Kinders sê Daddy
    Kinders
    Dis vlietend en baie vinnig verby

    Kinders net soos die vuurwerke
    Wat julle dikwels in die aandlug aanskou
    Het julle nie ook al gewens
    Dat hulle net bietjie langer in die lug wou bly

    Ja sê Pappa
    Ja
    Dat julle vir ‘n ewigheid
    Die wonder van hulle mooi-wees kon aanskou

    Kinders sê Pappa
    Kinders
    Asseblief luister vir My
    Ek is die Wyse God

    Die Wyse Een sê Abba
    Die Oue van Dae
    Kinders sê Pappa
    Dit is Ek, die Ewige

    Van alle tyd af het Ek bestaan
    En vir alle tyd gaan Ek nog bestaan
    Dit is maar net
    Hoe dit is

    Oe ja sê Daddy
    Oe ja
    Vinnig en vlietend is hierdie wêreld se plesier
    Maar Myne sal ewig bly

    Dis hoekom Ek julle oor en oor vra
    Kinders van My hart
    Sê Pappa
    Sit jou vertroue asseblief in My hand

    Ja sê Pappa
    Ja
    Asseblief kom loop die pad saam met My
    Dat Ek jou verder kan lei

    Na dieper onontdekte plekke
    Na watervalle van verfrissing
    Na tuine van hoop
    Dit is waar ons gaan aandoen

    Oe kinders sê Abba
    Asseblief, asseblief
    Kom nader aan My
    Kom sien en vind die wonderlik-wees wat nog in My wegkruip

    Oe ja nee sê Abba
    Dis ruim
    Die dieptes in My hart
    Net soos die hemelruim wie se einde julle nog moet vind

    Oe kinders
    Ondeurgrondelik diep
    Onvergelykbaar groot
    Dit is net wie Ek is

    Ek love wie Ek is so baie
    Love, love, love
    Wie Ek is
    Elke dag

    Ek wil so graag hê
    Sê Pappa
    Dat julle ook so oor julleself sal voel
    Dat julle diep liefde vir julleself sal hê

    Nie sê Pappa
    Op die oordrywige selfsugtige manier
    Maar
    Op die diep waardevolle manier

    Ja sê Pappa
    Dat julle julle waarde sal besef
    Dat julle dit sal ken
    Ja sê Daddy op die mooiste manier

    Daar’s te veel van julle sê Abba
    Wat net te gereeld wonder
    Oor wie jy is
    En of jou lewe rerig waarde dra

    Kinders Ek wil maar net
    Sê Pappa-God
    Vandag vir julle kom herinner
    Dat julle lewens, wie julle is groot waarde dra

    Ek maak nooit foute nie
    Sê Pappa-God
    Ek weet
    Baie van julle word dit dikwels genoem

    ‘n Fout, ‘n uitvaagsel
    ‘n Mishap, ‘n failure
    Een wat net nooit ooit
    Sukses in hierdie lewe gaan behaal

    Oe kinders
    Sê Pappa-God
    Ek wens julle kon sien
    Dit wat Ek sien as Ek na julle kyk

    Julle kyk met verkeerde oë
    Harde oë
    En nie sagte oë
    Oë wat die veroordeling van ander al begin glo het

    Hoekom vra Pappa
    Hoekom beweeg jy nie net nader aan My
    Hoekom kom hoor jy nie vir ‘n slag
    Wat Ek van jou sê

    Oe ja liefste kind
    Waardevol vir God
    Is oor jou diepste menswees geskryf
    Van binne na buite, elke stukkie vir My

    Oe God se kosbare kind
    Dit is jou hemelse naam
    Een vir een het Satan julle met sy leuens
    ‘n Ander naam kom gee

    Ja van julle ken dit
    Sê Pappa
    Van julle is al so baie kere
    Op julle aardse name genoem

    Ek praat nie
    Van julle geboorte-naam
    Ek praat van die labels
    Wat die wêreld op julle geplaas het

    Ja sê Pappa
    Ja
    Sy probeer nou-nog baie dikwels
    Om jou te probeer kry haar name bo Myne glo

    Hare klink so iets sê Pappa
    Uitgeworpene, verwerpte
    Nie-goed-genoeg-nie
    Gaan-nooit-iets-van-waarde-wees

    Oe kinders sê Pappa
    Van haar leuens, die wêreld s’n
    Het al die name geword
    Waarmee jy jouself noem

    Ja sê Pappa, ja
    Julle ken daai name
    Wat julle al vir julleself gegee het
    Gereeld fluister en sê julle dit vir julleself wanneer julle ‘n fout begaan

    Onnosel
    Hoe-kon-jy, jy-moes-beter-weet
    Vertraag
    Of is daar ‘n ander woord wat julle gebruik

    Oe kinders
    Sê Pappa-God
    Dit maak seer
    Die woorde van haat wat julle teenoor julleself spreek

    Asseblief-asseblief julle moet dit nie meer doen
    Julle is self besig om julle waarde te bepaal
    Julle maak julleself af tot niks
    Kinders sê Daddy vir My is dit so verkeerd

    Julle maak julleself so seer
    Ek wil net hê julle moet weet
    Julle gaan julleself
    Nooit so liewer kry

    Oe nee sê Daddy-God
    Gesonde liefde vir self
    Gaan jy nooit-ooit so ontdek
    Dit kan net nie gebeur

    Ek wil julle vra
    Sê Abba
    Rerig-erig
    Dat julle My sal vra hoe Ek julle sien

    Asseblief Daddy se kinders
    Dis nodig
    Dis nodig
    Dat julle julle waarde in My begin besef

    Julle is so so verkeerd
    Julle maak so verkeerd
    Wanneer julle nie sag met julleself kan wees
    Wanneer julle nie gou kan vergeef

    Ja-nee sê Pappa
    Van julle het al soveel struikelblokke in julle harte opgebou
    Alles net omdat jy nie kan sê
    Eie ek, ek vergewe jou

    Ja-nee liefste kinders
    Sê Pappa
    Dis verkeerd
    So so verkeerd om so lank vir jouself kwaad te bly

    En nou sê Daddy
    Nou
    Omdat jy jouself nie kan vergeef
    Moet ook Ek aan die kortste ent bly trek

    Kind seblief sê Daddy
    Moet dit nie meer doen
    Ons is albei besig om so te verloor
    En dinge kan eintlik veel anders vir ons wees

    Dit gebeur baie-baie kere
    Sê Daddy
    Dat Ek in die koue moet bly staan
    Omdat die mens homself nie kan vergeef

    Kind sê Daddy
    Kind asseblief
    Maak oop daai deur van jou hart
    Sal jy asseblief My liefde, krag en vergifnis innooi

    Kind vra Daddy
    Het jy geweet
    Kan jy besef
    Ek kan jou help om jouself te vergeef

    Ja Ek kan sê Pappa
    Ja Ek kan
    Ek kan die seer en swaar van die verlede se foute
    Weg-was met My Seun se bloed

    Ja liefste kind
    Pappa kan jou die vermoë gee
    Om jouself lief te hê soos Ek doen
    As jy sou vra

    Ja My liefste kind, ja
    Pappa kan
    Pappa wil
    So graag

    Julle vergeet dit dikwels
    Baie gou
    Sê Pappa-God
    My vermoë om als beter te maak

    Kinders vra Daddy
    Asseblief moet dit nie so gou vergeet
    Ja-nee My liefste kinders
    Julle kan My gerus vra

    Mense is dikwels
    Sê Abba-God
    So aangeplak aan die binnekant
    Hulle probeer net emotioneel oorleef

    Kinders sê Daddy-God
    Ek kan daai stukkend-wees
    In elkeen van julle
    So baie mooi genees

    Oe liefstes sê Abba
    Oe liefstes
    Kyk asseblief vir My
    Begin glo, dinge kan vir jou veel beter lyk

    Ja sê Daddy, ja
    Soveel-soveel beter
    As wat dit dikwels vir jou voel
    Jy moet net begin glo

    Jy moet begin glo kind
    Dat Ek kan
    Dat Ek so graag wil
    Dat Ek naby is

    Oe kinders
    Sê Pappa
    Baie, baie van julle
    Het nog nie die wonderkrag van geloof-in-God ontdek

    Oe kinders sê Abba
    Oe kinders
    Dis so groot
    Pappa wil dit net graag vir julle sê

    Julle glo nie genoeg nie
    Julle het baie kere alreeds sê Daddy
    Dit uitgewerk in jou kop
    En bepaal nee daar sal nie ‘n kans daarvoor wees

    Kinders sê Pappa-God
    Julle is besig om die vlerke van geloof
    Kort te knip
    Sy kan nêrens heen vlieg

    Dis baie kere sê Daddy-God
    Wat gebeur
    As Ek My kinders vra
    Om My te glo

    Ja liefste kinders sê Abba
    Ja
    Dit gebeur partykeer
    Dat julle My nie genoeg glo

    Ek weet nie
    Sê Abba
    Dalk wil julle nie hopes op-kry
    Net om weer teleurgestel te word

    Kinders Ek wil net sê though
    As julle sal aanhou glo
    En nooit ophou glo
    Sal julle saam met My die onmoontlike beleef

    Ja-nee kinders
    Dis ‘n waarborg sê Abba-God
    Die wat My glo
    Nooit sal hulle beskaamd staan nie

    Julle moet asseblief nooit sê Pappa-God
    Net glo tot daar waar dit vir julle moontlik is nie
    Oe nee My liefste kinders sê Abba
    Dis maar eers daar waar Ek begin

    Die einde van julle glo sê Abba
    Is maar slegs die begin van Myne
    Daarom sê Abba
    Hou aan glo

    Hou aan glo kinders
    Hou aan glo
    Wonderwerke kan slegs gebeur
    As julle glo

    Ja vertel vir My sê Abba
    Daddy ek weet nie hoe
    Ek kan nie sien hoe dit kan gebeur
    Maar ek sal na U bly kyk

    Ja Daddy
    God van die onmoontlike is U beslis
    U kan alles doen
    Daddy ek glo

    Ek weet sê Abba-God
    Dikwels My liefste kinders
    Dat julle struggle met glo
    Julle weet nie aldag hoe dit lekker werk

    Julle glo
    Maar julle glo ook nie
    Julle wil vertrou
    Maar julle weet nie lekker hoe

    Kinders sê Daddy
    Ek wil net hê dat julle altyd sal weet
    Dat My hart en karakter
    Vêr bo verdenking is

    Ja partykeer sê Daddy-God
    Dikwels gebeur dit
    Dat julle net glo
    Tot waar julle kan sien

    Julle moet begin verder kyk
    Geliefdes
    Julle moet begin sien
    Dat alles by My moontlik is

    Geloof sê Daddy
    Glo
    Dat alles by My moontlik is
    Dat GEEN plan vir My onuitvoerbaar is nie

    Geloof sê dis moontlik
    Geloof sê dit kan
    Geloof is vertroue
    In My goue hart

    Dat Ek vir jou is
    Dat Ek nie sommer net gaan opgee
    Dat Ek altyd daar is
    Dat Ek alles weet

    Ja sê Daddy
    Geloof sê basies
    Vertrou God
    En dat by Hom alles moontlik is

    Sien sê Daddy
    Hierdie tipe vertroue se vlerke is nie geknip nie
    Hierdie tipe vertroue kan vir die hoogste wolke gaan kuier
    Ja sê Daddy selfs die wat julle nie kan sien

    My hart is bemoediging
    Sê Abba
    Dis hoekom Ek altyd vra
    Hou aan opkyk, vertrou My hart

    Liefstes sê Abba
    Ek’s altyd en altyd vir julle
    Ek wil net so graag hê
    Julle moet dit glo

    As julle sal bly glo kinders
    Sal julle altyd sien
    Ek is by julle
    Ek kan julle nie in die steek laat

    Laat julle geloofspiere
    Toe om te groei
    Asseblief My liefste kinders
    Die klem is op groei

    Asseblief kinders
    Asseblief
    Die stretch van geloof is nie altyd lekker
    Maar jong is dit nodig

    Ja liefste kind sê Pappa
    Dink aan geloof as ‘n stel trappies
    Elke trappie ‘n stepping stone
    Na die volgende een

    Oe kinders
    Sê Daddy
    Elke trappie is so nodig vir julle geloofspad vorentoe
    Julle sal nog sien

    Hou aan vertrou
    Liefste kinders
    Asseblief
    Hou net aan om My te vertrou

    Julle gaan nog sien
    Sê Abba
    Elke trappie gaan julle net meer en meer leer
    Ek is te vertrou

    Hou julle harte sag
    Asseblief liefste kinders
    Vir My
    Vir wat Ek julle wil wys

    Alle dinge is moontlik met My
    Liefste kinders
    Alles
    Van die grootste tot die kleinste, niks is buite My bereik

    Hou aan glo
    Asseblief kinders
    Die tye wat twyfel kom klop
    Jaag hom net weg en sê nee!

    Geen plek het jy hier
    Nie in my hart
    Of op geen ander plek
    Want ek sal God glo

    Kyk op kinders
    Altyd-altyd na Bo
    Julle God is groot
    En vir Hom is julle elkeen baie spesiaal

    Hou aan glo
    God weet altyd wat Hy doen
    Altyd en altyd
    Hou aan met vertrou

    So sal en kan Ek
    My drome vir julle lewens verwesenlik
    As julle na My bly kyk
    Oorgegee-de lewens leef

    Amen.

    Laat weet my gerus as die blog jou hart geseën het of as jy net ietsie in jou hart wil deel, dit sal vir my lekker wees om van jou te hoor! Groetnis, Letitia x

    Die liedjie waarna in die blog verwys word kan jy hier luister:
    https://www.youtube.com/watch?v=aCGJUcor30M 

  • Mooiste Mosaïek

    Mooiste Mosaïek

    Soos gebreekte glas
    By ‘n mens se voete
    Op die vloer bly lê
    So lyk baie mense se toekomsdrome vir hulle

    Ja hulle het net geen lus
    Om mee met die lewe aan te gaan
    Als lê aan skerwe
    Dit is hoe hulle dink

    Pappa wil vandag aan julle
    Gebroke kinders van die wêreld
    Hoop kom gee
    Hoop dat daar ‘n God is wat baie omgee

    Dit gebeur te gereeld
    Sê Daddy-God
    My kinders dat julle opgee
    Sonder dat julle My kom probeer

    Daddy se kinders
    Hoekom, hoekom bly julle wegloop
    Hoe hou julle aan om toe te laat
    Dat die wêreld julle so seermaak

    Kinders sê Daddy
    Asseblief
    Ek weet daar’s seer in julle harte
    Maar kinders asseblief julle moet begin wys raak

    Julle moet asseblief begin
    Om wys te raak met julle besluite
    Julle moet begin om My in elkeen te ken
    Sodat Ek julle paaie gelyk kan begin maak

    Kinders sê Daddy
    Asseblief
    Begin om My wysheid te leer
    Begin om by My te kom stilsit

    Kinders daar is soveel wonderlike dinge
    Wat Ek vir julle instoor hou
    Wonderlike dinge
    Sal julle glo?

    Dit gebeur te gereeld
    Kinders van die wêreld
    Kinders van My
    Dat julle opgee

    Kinders dis nie nodig sê Daddy
    Dat julle tussen daardie versplinterde stukkies van julle lewe bly sit
    Nee kinders sê Daddy
    Julle moet begin om daardie stukkies saam met My op te tel

    Kinders sê Daddy
    Ek kan die mooiste mosaïek-werk
    Met daardie stukkende stukkies van jou lewe maak
    Ek kan, as jy dit als vir My sou gee

    Ja sê Daddy-God
    Die stukkies sal nie eers mee gebreek vertoon
    Want al wat sou wys
    Is die volmaakte eenheid wat hulle vorm!

    Oe kinders
    Sê Daddy-God
    Dit is My hart vir elkeen van julle
    Om te herstel, om heel te maak

    Elke mens op aarde
    Sit maar met ‘n ietsie seer
    Dis onmoontlik om op aarde te wees
    Sonder dat jy al ooit ‘n ietsie seer ervaar het

    Kinders maar vandag wil Ek net sê
    Daddy gee om
    Ek sien julle seer
    En Ek wil graag genees

    Ek wil hê vra Daddy
    Kinders dat julle My sal toelaat
    Om daardie gebroke stukkies van julle lewe saam met julle op te tel
    En dat julle My sal toelaat om daarmee te werk

    Kinders Ek weet sê Daddy
    Hoe lyk die geheel
    Ek weet waar elke stukkie die beste sal werk
    Sal jy My asseblief daarmee vertrou

    Kinders Ek weet sê Daddy
    Julle sit tussen hierdie stukkende
    Glasskerwe van julle lewe en dink
    Hoe op dees aarde gaan ek nou maak?

    Die duiwel probeer julle oortuig
    Hy bly sê
    Dit is nuttelose gemors
    Jy kan maar jou lewe weggooi

    Kinders dis nie so sê Daddy
    Dis nie so
    Dis nie net ‘n nuttelose gemors
    Dit het die potensiaal om die mooiste toekoms te bou

    Kinders asseblief
    Sê Daddy
    Moenie opgee, moenie bang-wees
    Ek sal altyd by julle wees

    Ek gee altyd so baie om
    Sê Daddy
    So baie
    Dis hoekom Ek vra vertrou My

    Kinders asseblief
    Laat gaan van die hopeloosheid in julle harte
    Kom gee dit vir My
    Kom kyk wat Ek daarmee kan maak

    Kinders het julle al gesien
    Sê Daddy-God
    Die gebreekte stukkies glas van ‘n mosaïek-werk
    Dit lyk asof als presies pas, asof dit is hoe dit moet wees

    Kinders
    Dis presies wat Ek doen
    Dis presies hoe dit kan wees
    As jy dit als vir My bring

    Ja kom sê net
    Sê Daddy-God vir Sy kind
    Daddy ek het hulp nodig
    Ek kan dit nie meer alleen doen

    Asseblief kind kom vra net
    Kom sê net
    Daddy help my asseblief bou
    Help my bou die mooiste stuk mosaïek-werk

    Kind dit is wat Ek vir jou wil gee
    Dit is wat Ek vir jou wil doen
    Sal jy My toelaat om vir die gebreekte stukkies van jou lewe
    Weer hoop te gee

    Kind dis maar al sê Daddy-God
    Waarvan ‘n stuk mosaïek-werk getuig
    Dat selfs die mees nuttelose stukke glas
    Die vermoë het om mooi te vertoon

    Kinders dis hoekom Ek vra
    Gee als vir My
    Als wat jy dink
    Kan net nooit weer mooi lyk

    Kind dit kan sê Daddy-God
    Kind dit gaan
    Asseblief laat My toe
    Om met daai stukkies te werk

    Ek gee so baie om kind
    En Ek wil jou vra
    Rerig om te weet
    Ek sal nie ooit opgee op jou

    Kind
    Ek glo nog in jou
    Ek glo in die toekoms wat ons saam kan hê
    Dit is hoekom Ek vra

    Begin asseblief vandag
    Om My meer te vertrou
    Kind dis al wat Ek nodig het
    Om jou by die mooiste mooi’s uit te bring

    Kind sê Daddy
    Dit is so
    Dit gebeur gereeld dat mense
    Tussen daai gebreekte stukke glas moed opgee

    Ja sê Daddy
    Hulle glo net nie
    Dinge kan vir my beter lyk
    Nee al wat hulle hoor is, dit help nie eens jy probeer

    Kind sê Daddy
    As julle net kon sien
    As julle net in oog kon hou
    Hoe baie groot Ek is!

    Kinders sê Daddy
    My grootheid is baie groter as wat julle dink
    Daar is niks-niks
    Wat Ek nie kan doen

    Kind asseblief
    Voordat jy toelaat dat Satan
    Jou te diep in daardie gat van vergetelheid laat insak
    Kyk na My

    Kyk na My sê Daddy
    Kind begin om My in oog te kry
    Asseblief
    En hou My daar

    Moet My nie uit oog laat gaan kind
    Dis hoe julle hoop verloor
    Dis hoe Satan sy voet in die deur kry
    Deur julle wat nie meer glo

    Nee liefste kind
    Sê Daddy
    Jy kan dit doen saam met My
    Ons kan dit saam doen

    Oe kinders
    Sê Daddy-God
    My genade is so groot
    Daar is niemand wat dit nie sal gaan haal

    Begin net glo kind
    Begin glo daar is hoop vir daardie stukkende stukkies rondom jou
    Kind as Ek dit saam met jou sou begin optel
    Jy sou dit skaars kon glo!

    Kinders, kinders
    Sê Daddy
    Die wonderlike dinge wat Ek vir julle kan wys
    As julle als vir My sou gee

    Asseblief kind
    Laat My toe om die mooiste toekoms
    Uit jou stukkende verlede te bou
    Dis wat Ek kan doen kind, as jy sou glo

    Ek glo so baie in julle kinders
    Ek glo so baie in julle
    Ek weet ons kan dit doen
    Jy moet net sê ja

    Jy moet net sê ja Daddy
    U kan my maar kom help
    Om met hierdie stukkende stukkies van my lewe
    Weer sin te maak

    Kind nooit hoef jy te weet
    Hoe Ek dit regkry
    Nooit hoef jy te verstaan
    Al wat Ek vra is glo en bring als vir My

    Daar’s baie gebroke stukkies lewe
    Wat op hierdie aarde rondlê
    Party mense het My al toegelaat om aan hulle s’n te bou
    En oe die stories wat hulle vertel

    Kind Ek wil ook van jou lewe
    ‘n Storie van hoop maak
    Waarmee ander mense hoop sal vind
    Om My ook te vertrou

    Sal jy asseblief naderkom
    Kind sal jy kom hoor
    Ek gee om vir jou
    En dat Ek so mooi plan vir jou lewe het

    Kind dis hoekom Ek God genoem word
    Want Ek kan alles doen
    Niks is te groot of klein vir My
    En Ek gee waarlik om

    Ja selfs vir jou sê Daddy
    Selfs en veral vir jou
    Die een met die stukkendste verlede
    Die een wat dink daar is nie ‘n kat se kans

    Kind daar is sê Daddy
    As jy sou glo
    Sou jy sien
    Die onmoontlike kan Ek in jou lewe vermag

    Al wat Ek altyd nodig het
    Sê Daddy
    Is geloof
    Geloof wat glo God kan

    Kind Ek kan
    Glo My
    My Seun se Kruis
    Het dit in Golgota bewys

    Daar is niks-niks sê Daddy
    Wat Ek nie kan doen
    Verlore dooie situasies is My spesialiteit
    Net soos die storie van Lasarus vertel

    Jy sit hier en jy dink
    Kind Ek kan sien!
    Hy’s vier dae laat
    My situasie stink al!

    Kind sê Daddy
    As Ek net geloof kon kry
    Sou Ek jou wys
    Vier dae laat is niks vir My

    Is dit nou veertig of vier dae laat
    Kind Ek gee rerig nie om
    Dooie situasies kan maar gaan slaap
    As Ek naby is

    Wie Ek is, is om lewe te bring
    Om dooies op te wek
    Om gevangenes vry te laat
    Sal Ek die geloof vind?

    Dit gebeur te gereeld sê Daddy-God
    Daar’s te veel situasies op aarde
    Waar mense nie die hoop in My vind
    Voordat hulle opgee

    Kinders asseblief sê Daddy
    Aan almal wat seer het, stukkend is
    Aan almal wat selfmoord oorweeg
    Asseblief moet dit nie doen

    Kinders dis nie die antwoord nie
    Sê Daddy
    Dis nie die antwoord nie
    Glo My

    Kinders dis net die stukkende
    Stukkies van jou lewe
    Wat op die vloer lê en sê
    Gee op, op my!

    Nee kind, nee
    Dis nie die oplossing nie
    Daddy wil jou vra
    Sit jou geloof in My

    Sit jou geloof in dit wat Ek
    In en deur jou lewe hier op aarde kan doen
    Kinders dis groot, dis mooi
    Begin om daai stukkies saam met My op te tel!

    Ek sal nooit opgee op jou
    Sê die Here
    Kind al wat Ek vra
    Is doen jy asseblief ook dieselfde

    Daar’s ‘n mooi toekoms wat wag
    Kind Ek wens jy kon sien
    Dis soos die mooiste mosaïek-werk
    Waarop die son skyn

    Kinders dis soos My liefde
    Dit maak als warm en mooi
    Dis blink kind
    Die toekoms wat op jou wag!

    Moet net nie opgee kind
    Moet net nie opgee op jouself
    Dis wat Ek nodig het
    Dit en jou geloof om jou daar uit te bring

    Amen.

    “All the broken pieces of your life are nothing more than a beautiful mosaic of your future” ~ Retah McPherson

  • Mooiste glimlag

    Geloof-groot
    Woon in my hart
    Abba-God het dit daar gesit
    Ek weet wie Hy is

    (meer…)

  • Alles

    Alles maar alles
    Vir U Amen
    Ons loof en prys U Heilige Naam
    Daar is niemand soos U

    (meer…)

  • God se grootste vreugde

    Behoort jou hart al aan My
    Dit is wat die Koning
    Van al die konings
    So graag wil weet

    (meer…)

  • Kinders van Hoop

    Dis tyd vir hierdie wêreld
    Om die verlange vir hoop
    Die verlang vir vrede in hulle hart
    By My te kom vind

    (meer…)

  • Onwrikbare geloof

    My liefste God
    Ek smag na meer van U
    Ek smag na U vuur
    Ek smag om U krag te ondervind

    (meer…)