Anker van Hoop

Etiket: hoop+vir+môre

  • Oorloë & Veldslae

    Oorloë & Veldslae

    Seer in Jesus se hande
    Is soos klei in die hande van ‘n Pottebakker
    Wees verseker
    Hy werk versigtig

    Vertrou Hom
    Vertrou wat Hy wil doen
    Daar is geen Pottebakker
    So bekwaam soos Hy!

    Sag en seker
    Vou Hy die klei
    “Ek is besig met ‘n meesterstuk
    Oe die storie wat hy gaan vertel!”

    Ek wonder of mense
    Dit besef, dit weet
    Ek het vir lank ook nie
    Prys die Heer ek is nou hier

    Ja vir my het Hy kom wys
    Oorhandig dit aan My
    Daai diep seer binne
    Daai pyn wat jou soms verblind

    Is daar ‘n situasie in jou lewe
    ‘n Gebeurtenis
    Iets wat gebeur het
    Wat jou nou nog pla?

    Hoekom moes dit so gebeur
    Kon dit nie anders wees
    Ek wens dit was nie so
    Ek wens ek het nooit nodig gehad om dit te beleef

    Sukkel jy ook soms
    Met sulke gedagtes
    Steke van pyn
    Wat gereeld jou hart deurboor?

    Die pyn is daar
    Dis eg, dis seer
    Jy voel dit
    Jesus sien dit

    Jy moet weet
    Jesus-sussie
    Jesus-boetie
    Vir daai pyn het Jesus alreeds soveel moontlikhede

    Stories van herstel
    Redemptive stories
    Comeback stories
    Die waarvan ons almal hou

    Ons moet Jesus net toelaat
    Om hulle met ons lewens te skryf
    Want so dikwels hou ons vas aan die seer
    Dan raak ons soos ‘n soutpilaar

    Net soos Lot se vrou
    Hard en koud
    Stagnant
    Ja want ons bly terugkyk, in die verlede leef

    Ons kan nie bly terugkyk
    Kinders van God
    Om daar te leef
    Ons moet daarna kyk om aan te beweeg

    Kan ek ons almal herinner
    Die Bybel sê
    Vergeet wat agter is, strek jou uit na wat voor is
    Dit beteken, glo in wat Jesus met jou pyn kan doen

    In Sy hande word seer
    Die sagste mees werkbaarste klei
    Hy verander dit in voorwerpe van soveel eer
    God se glorie skyn daaruit voort!

    Ja vir lank moes ook ek
    Situasies saam my dra
    Dinge wat seer maak
    Want ek het nie verstaan

    Dalk moet ons meer gereeld vir Jesus vra
    Jesus waar was U
    Wys my asseblief
    Gee my U perspektief

    Dit bring mens
    Op ‘n plek van heling
    ‘n Plek waar Jesus se liefde so gesond maak
    Daar waar eens so seer was

    Heelwat mense sit met harte
    Gelykstaande aan oorlogsvelde
    Heelwat oorloë is gevoer
    Baie skade is nagelaat

    Dit is God se hart
    Om altyd die skade te herstel
    Om op te bou
    Daar waar verwoesting gestrooi lê

    Mense kan dit nie alleen regkry!
    Al probeer baie
    Die Geneesheer van elke hart en lewe
    Bly die Skepper daarvan

    Met hierdie skrywe vandag wil ek net aanmoedig
    Begin die seer in jou hart
    Daai wat ‘n pyn in jou binneste laat as jy daaraan dink
    Oorhandig aan die Here

    Begin dit vir Hom gee
    Dalk moet jy Hom eers beter leer ken
    Want dan raak vertrou makliker
    En sal oorgee nie so ‘n struikelblok meer wees

    Jy sal en kan oorwin
    Al die terugslae van jou lewe
    Want Jesus is op die Troon
    En jy is Syne

    Al wat dit vat
    Is ‘n jy wat kies
    Ek wil die stories van Jesus
    Met my lewe skryf!

    Amen.

  • Oudag drome

    Oudag drome

    Hou op terugkyk
    Liefste kinders
    Asseblief moet dit nie meer doen
    Begin kyk na dit wat voorlê

    Ja liefste kinders
    Sê Pappa-God
    Dit gebeur te gereeld
    Dat julle vassit in wat in die verlede lê

    Julle moet ophou terug verlang
    Kinders
    Julle moet ophou dink
    Dit was die beste van my lewe gewees

    Daddy se kinders
    Ek wil graag vir julle sê
    Dit maak My hart bly as julle dankbaarheid in julle harte het
    Tog moet jy weet dat ook die toekoms mooi dinge inhou

    Ja liefste kinders
    Sê Daddy-God
    Dit gebeur gereeld dat julle opgee met drome
    As julle ‘n sekere ouderdom bereik

    Ek wil maar net vandag vir julle kom sê
    Dit maak My hart bly as jy bly glo
    Saam met God
    Kan ek nog groot dinge bereik

    Julle moet nooit die verwagting
    Van groot-dinge-saam-met-My verloor
    Kinders daar’s soveel hoop in daardie verwagting
    Daar’s soveel wat Ek daarmee kan doen

    Kinders sê Daddy
    Hou asseblief aan glo
    Daar’s ‘n rede vir jou lewe
    En Ek kan jou selfs in jou oudag gebruik

    Ja-nee My liefste kinders
    Dis nie ooit nodig
    Om boedel oor te gee en te dink
    Die beste van my lewe het al gebeur

    Nee liefste kinders
    Sê Daddy
    Dit werk eintlik andersom
    Die beste van jou lewe kan nog voorlê

    Ja liefste kinders
    Sê Abba
    Ek wil julle vra om met daai verwagting te leef
    Die een waar jy nog hoop het vir môre

    Oe kinders
    Sê Abba
    As julle net kon sien
    Hoeveel mense vassit in het-ek-maar

    Ja daar is verlore drome
    Wat My kinders partymaal inhaal
    Drome wat hulle laat dink
    Dit is nou te laat

    Kinders Pappa wil maar net vandag
    ‘n Bietjie vir julle kom bemoedig
    Dis nooit te laat
    Selfs vandag nog kan jy iets wonderliks-mooi vir iemand beteken

    Kinders sê Daddy
    Asseblief glo
    Glo dat jou lewe nog waarde dra
    En dat jy selfs nou nog saam met My kan droom

    Ja liefste kinders
    Pappa sien
    Julle het lank gelede opgegee op julle drome
    Gedink dit kan nie meer wees

    Ek wil vandag vir julle kom sê
    Daar is nog hoop
    Solank as wat daar nog asem is in jou longe
    Solank nog is daar ‘n plan vir jou lewe

    Ek sien julle kinders
    Ek weet van julle
    Partymaal twyfel julle
    Maar dis nie ooit nodig nie

    Saam kan ons nog heelwat verrig kinders
    Saam kan ons nog oor die onmoontlike droom
    Moet asseblief nie aanhou terugkyk na die verlede
    Jou jonger dae en dink jy het al die beste beleef

    Soos wat Ek sê
    Liefste kind
    Die beste kan nog vir jou voorlê
    Als as jy sou glo

    Julle moenie bang wees sê Daddy
    Om te glo
    Die krag van glo liefste kinders
    Dit is mooi

    Ek sal julle sterk maak
    As julle naby My sal bly
    As julle net altyd sal erken
    God is groot

    Bely julle afhanklikheid
    Liefste kinders
    Bely altyd dat Ek jou krag en psalm bly
    Vir sulkes is die onmoontlike waarlik moontlik

    Ek wou maar net sê kinders
    Bly naby My
    En julle sal nie ooit nodig hê om te dink
    Dat die beste vir jou in jou verlede lê

    My hart vir julle is altyd
    Om ‘n toekoms en ‘n verwagting vir julle te gee
    Dis hoekom Ek altyd bly sê liefste kinders
    Hou aan vorentoe kyk

    Hou aan sien
    Dat Ek die God van die onmoontlike by julle is
    En dat saam met My
    Alle dinge waarlik moontlik is

    Kinders sê Daddy
    Dis hoop
    Dis verwagting
    Wat Ek nou vir julle gee

    Dit maak My maar net altyd ‘n bietjie hartseer
    Sê Daddy-God
    Wanneer Ek na hierdie wêreld kyk
    En soveel sien wat sonder hoop leef

    Kinders dit was nooit My hart
    Dis nie My bedoeling
    Dis daarom dat Ek vra
    Bly kyk na My

    Bly kyk na My
    Bly kyk na My
    En nie jou verlede nie
    So sal hoop in jou hart lewend bly

    Kinders die beste was nog nie gewees
    Hy kom nog! 🙂
    Dis maar al wat Ek graag wil hê
    Mense in hierdie wêreld moet glo

    By My is dit altyd so
    By My is dit altyd meer as moontlik
    Veral vir die hart
    Wat bereid is om dit te glo

    Amen.

  • U is

    U is die Een
    Wat aan hierdie lewe
    Soveel sin
    En betekenis gee

    (meer…)