U weet U lees die taal van my hart Dankie dat U verstaan Meer as wat ek of enige mens ooit kan
Dankie dat ons U kan vertrou Abba Met die seer, die vrese Die vrae, die wonder
Baie male in ons hart Mense vertrou ons nie Dit maak te seer Ons glo dit
Soms, partymale is dit so Maar ons moet nooit vergeet Om Jesus deel te maak Van die vrese, vrae, wonder en seer
Is een van die beste dinge Wat ons ooit op aarde sal kan baas-raak Ja julle Ons moet vertrou
God weet beter Hy sal genees Hy kan Het julle geweet?
Ons hoef nie met pyn in ons binnestes te loop Lank nadat iets gebeur het nie Soms maak ons mos ook Asof dit lankal nie meer bestaan, bêre dit diep
Ek wil julle net vra Kinders van God God se kinders Begin Lig daaroor bid
Jesus se Lig Begin Hom as soeklig aanstel Die Soeklig van jou hart Jesus se Heilige Gees
Dat Hy met Sy vrede en voorspoed Jou hart se donkerte begin verlig Julle verstaan nie Ja ons wil nie altyd hoor
Daai seer moet oop kinders, hulle moet begin oopgaan Anders gaan die wonde net aanhou sweer Ja op die seerste maniere Sweer hulle in julle lewens kinders
Hulle tas julle huwelike aan Julle verhoudings met julle mans, vrouens Kinders en selfs die bure en naastes Soveel sere en swere wat woon in die harte van mense
Hulle het seer Hulle het seer Tog wil hulle dit nie glo Kan Ek aan julle net die warmste uitnodiging van julle lewe bied?
Dis die Heilige Gees wat praat God se Gees Die Lewensveranderende Gees Die Gees sonder gelyke
Die Gees Die Ewige God se Bondgenoot Ja ek en Abba het lank terug ‘n verbond gesluit Saam, saam sal ons mense se mismaakte mishandelende lewens weer optel en oprig
Ja hoop kom gee Waar hoop gebreek is Heel dikwels sommer van kleintyd af al Die duiwel het geen genade-skaal
Kinders julle moet dit weet Julle moet besef Ek gee geen pad aan ‘n mens as Ek nie weet dat Ek en sy of hy dit saam kan oorwin nie Geliefdes onthou
Daai woorde sê julle te vinnig Julle sê dit te vinnig, te gereeld Hoekom is dit dan nie vra die Gees van Abba Dat julle hierdie woorde nie onthou
Wanneer Ek saam met julle die pyn van die verlede in die oë wil gaan kyk? Ek wil julle by vryheid uitbring liefstes Al die vryheid waarvoor Jesus so duur betaal het aan die Kruis Dis nie nodig My kinders
Om met kneukels styf aan daai kettings vas te hou Julle het nou al lief geraak vir hulle Vir jare nou al vir hulle begin sê Julle is my getroue volgelinge
Vir julle sal ek in my vertroue bly neem Ja ek sal vir julle vertel Dit is veiliger en beter dat ons vriende bly Ons paaie moet nie skei
Julle vertrou hulle meer as wat julle My vertrou Sê God se Gees Hoekom nie aan My Die wonderwerkende krag van God ‘n kans met jou seer gee?
Ja Ek weet Julle is al vetrouelinge Julle voel veilig by mekaar Julle kom al ‘n lank pad saam
Maar Dis of sy of Ek Kind nie Ek en sy kan jou pyn gesond maak nie Ek wil hê julle moet verstaan
Dis of Ek of sy Sy vertel vir julle gereeld Dis veiliger Moenie praat
Jy kan net vir my vertrou Hoekom sê sy nie eerder Nee dis reg Heeltemal reg
Gaan na die Heilige Gees Hom die geneesheer van jou seer Hoekom, hoekom Sê sy nie dit?
Nee Ek is die een wat met daardie woorde bemoedig en aanmoedig Dis tyd Dis tyd Kom nou, kom gou
Solank as wat jy die seer in jou hart wil koester Gaan sy dit vir jou moeilik bly maak Om by My volle genesingsplan vir jou uit te kom Kind jy het al geleer
Luister bietjie na jouself Jy praat net soos sy So negatief en sonder hoop Nes sy
Het jy haar nie al ‘n bietjies te veel ‘n plek van beskorenheid in jou hart gegee? My kind Jy moet kies Wil jy met haar in ooreenkoms en saam-stem bly gaan
Of sal jy begin sê Nee-a Ons elkeen moet ons eie rigting inslaan Jy joune, ek myne
Ek vra jou om te begin totsiens wuif aan die seer in jou hart My kind Dis tyd Sê vir haar
Laat dit goed gaan Julle kan die pad nie meer saam loop Sy het al so ‘n knussige plekkie vir haarself ingerig Sy sal nie te maklik of vinnig wil trek
Daarom sal jy vir haar ‘n notasie-brief moet gee Net soos eienaars aan huurders Tot hiertoe en nie verder Op hierdie dag sal jy moet trek
Dis ‘n kopskuif My kind Vir baie is dit rerig so eenvoudig ‘n Kopskuif wat sê Van hierdie dag af neem genesing en oorwinning okkupasie van die plek in my hart
Ja die vyand het seergemaak Ja hy het ongelooflik gesteel Jy wonder nou nog hoekom, hoekom moes sekere goed gebeur? Kan Ek net vir jou goeie nuus bring
Liefste kind Die seer in jou hart het soveel potensiaal Soveel potensiaal om stroke van goud en God se liefde oor hierdie aarde te verf Ek vra net
Gee dit vir My Laat My toe om jou vertroueling te word Jou beste vriend, die Een met wie jy alles deel Die een wie se raad jy sonder huiwering aanneem
Ek wil sê Dogter, seun Begin dit doen Al voel dit vreemd aan die begin
Dis verstaanbaar Dis net omdat ons mekaar nog nie goed ken Hoe langer ons in mekaar se lewe is Hoe meer sal jy sien
Ek is vir jou Ek is vir jou Ek is vir jou Net soos daai liedjie wat julle deesdae so gereeld sing
Ek vra jou om daai woorde te begin glo In jou kom en in jou gaan In die môre en in die aand Ek is vir jou! Ek is vir jou!
Dikwels maak die lewe nie sin Kind Ek weet Ek verstaan Soos Ek gesê het die duiwel het nie ‘n genade-skaal
Hoe meer skade hy kan aanrig hoe meer doen hy Maar jy kind Jy het nodig om te weet, te glo, dit te vat Ek is groter as dit als
Ek is groter By en met My hou jou lewe Selfs en veral jou pyn Soveel betekenis in
Ek wil hê jy moet dit vind My kind Ek wil hê jy moet uitkom by die pragstories wat Ek geskryf het met jou verlede en hede se seer Ek kan dit doen en Ek kan dit doen Ek kan dit ook byvoeg
Oe jong as hy of sy My net die kans wil gee! Kind Ek is opgewonde Staan in afwagting Hoop dat jy vir eens en vir altyd sal besluit
Om vir die Seer in jou hart te sê Jou huurkontrak is verstreke Dit was aangenaam maar nou is dit verby! Jesus is ‘n veel beter huurder as jy
Vir Hom gaan ek nou aanstel Om na die seer in my hart om te sien Okkupasie-huur is betaal Aan die kruis van Golgota!
My nuwejaars-seënwens aan julle elkeen. Ek wil dit graag met julle deel, al is dit al Februarie! 😋
Vroeër die jaar lees ek hierdie woorde van Paulus aan die Korinte en sien ewe skielik duidelik ‘n strategie van die duiwel. Dit is die vyand van my en jou se verhouding met God.
“Ek is tog bang dat julle gedagtes weggevoer sal word van julle opregte en suiwer toewyding aan Christus, net soos die slang Eva met sy listigheid verlei het.”
Wat val Satan aan, konstant, in elke gelowige se lewe?
Ons heelhartige, opregte, suiwer toewyding aan God.
Hoe doen hy dit? Deur listigheid en bedrog, baie subtiel en slinks.
Hy probeer altyd om ons toewyding te verminder deur onder andere baie aantreklike aanloklikhede te stuur wat ongelooflik moeilik is om te weier. En hy sê nie vir ons nie, ons is besig om te divert wanneer ons vir hulle ja sê.
Dit herinner my aan ‘n storie wat julle dalk al gehoor het. Dit vertel van ‘n persoon wat reguit geloop het maar na ‘n rukkie het hy koers verander. Dit was effe, soos ek meen ‘n millimeter dalk maar toe hy eers die koers kies en begin stap en al hoe verder aanhou daarmee het dit hom naderhand op ‘n 90 grade of meer punt weg van sy punt waar hy sou opeindig gebring. Dis wat begin gebeur as ons toelaat dat ander dinge die aandag begin kry wat Abba toekom. Dit steel ons devotion aan Hom, dit maak dit halfhartig, afgewater, tweedehands en dis nie wat ons wil hê moet gebeur.
Daar is ‘n battle te baklei kind van God, in elkeen van ons se lewens. Ons kan God nie met halfhartige harte dien nie. Nie as ons regtig by die wonder van wie Hy is en wat ons in verhouding met Hom kan smaak wil uitkom nie. Wees bewus.
Dis maar tot wat ek my en jou vandag wil aanspoor … WHOLEHEARTED DEVOTION aan Pappa-God. Die heel-jaar deur.
Mag 2020 julle beste jaar nog saam met God wees. Mag Jesus regtig Koning in ons lewens wees.
Dis vir my so lekker om bietjie terugvoer te gee oor die kamp wat ek in Junie bygewoon het. Weet dis nou al ‘n rukkie terug maar dink tog dit sal goed wees om met julle te deel.
Hier onder is ‘n groepfoto van die vrywilligers wat hulle beskikbaar gestel het die week wat ons weg was. Ek kan eerlik sê op albei kampe wat ek bygewoon het is daar ‘n enorme opgewondenheid wat heers voor en tydens kamp.
Hierdie mense se harte is vol omgee vir die kinders, om die kamp vir hulle onvergeetlik te maak is fokus nommer een. Dalk wil jy dit oorweeg om betrokke te raak? Jy is baie welkom. Ek weet van een wat oppad is. Dit is in Desember, die Benoni groep se jaarlikse kamp.
Hierbo is ek en Kemi, my mede ‘counsellor’ vir die week besig om ons kamer te versier en verwelkomend te maak voordat die kinders met wie ons die kamer gedeel het tydens die kamp arriveer. Ons tema vir die week was ‘The Lord is my Shepherd’ daarom die skapies!
Seker dit is geen verrassing maar die dogterjies wat ons kamer gedeel het, het hulle kamer gelove!
Die kinders is gedurende die week geseën met pragtige geskenkies soos byvoorbeeld by hulle onderste-bo agterste-voor verjaarsdag-partytjie, het my kop daai dag gespin. Die Woord van Abba is nie nagelaat. Elke oggend was daar ook Bible Club, poppespel en al!
Die week is tjok en blok met aktiwiteite wat wonderlike herinneringe skep om saam terug te neem en altyd te koester. ‘n Hindernisbaan en handwerk-stasies het hulle onder andere gehelp om soos-hulle-gemaklik-voel en aangemoedig-word struikelblokke en vrese te oorwin.
Hier kry ek en Kemi ‘n vinnige kans om ook deel te neem aan pyl-en-boog-skiet, een van die aktiwiteite wat die kinders baie geniet het. En daar skiet Kemi toe wragtie ‘n bullseye!
Ek onthou op een van die dae het ons ‘n dagstap gaan doen in die berge. Watter wonderlike geleentheid het Abba my toe gegee om prakties te kan uitbeeld wat dit beteken om die leiding van ons Hemelse Herder te vertrou.
Ek het een van die dogtertjies saam met wie ek ‘n kamer gedeel het se hand geneem en vasgehou soos ons begin stap het. Meer in ‘n poging om haar naby my te probeer hou want sy was nogals ‘n rats een en baie gereeld vinnig onder my oë uit.
Soos ons stap besef ek dis ‘n gulde geleentheid vir ‘n teachable moment en ek sê toe vir haar dat Jesus ons ook so mooi wil lei soos wat sy my lei. Ek kon sommer sien hoe die aanmoedigende woorde presies doen waarvoor dit gestuur is. Sy het elke nou en dan ‘n watch out laat hoor en so deeglik en versigtig te werk gegaan om my veilig te hou. Dit was so kosbaar vir my en ek bid dat sy dit vir altyd sal onthou.
Ons het ook ‘n kampliedjie wat hope pret en dans beteken. Die kinders en grootmense wikkel daai heupe dan lekkerrr.
Daar was ook ‘n cowboy aand en hoe het die kinders die op-dress met hoed en serpie geniet. Hulle het nie daardie spesifieke aand enige aanmoediging nodig gehad om aangetrek te kom!
Met die terugkeer is mens dalk fisies en emosioneel meer moeg as vroeër die week maar die harte is propvol. Selfs ons, die volwassenes, groet met heimweë en prag-herinneringe. Ons sien dalk nie maklik weer die kinders nie maar in ons gedagtes en gebede bly hulle voortleef.
Hierdie kampe het nogals rerig kom nes skrop in my hart. Ek glo in hulle. Abba gebruik hulle om stukkende kinderlewens op te beur en hoop te kom plant. As jy meer informasie benodig, kontak my gerus of sommer direk vir die span. Hulle webtuiste is: https://www.i-c-y.co.za of https://rfk.org/.
Baie dankie vir elkeen van julle wat deel was van die kamp, of dit nou met gebede of finansies was. Julle deel in die vrug wat voortkom! Elke kindjie wat op die kamp was is dankbaar. As julle hulle totsiens-briefies of -gesiggies kon lees sou julle saamstem.
Hoop julle het die kiekies en nuus van die kamp geniet.
Liefde en goed-gaan vriende.
Letitia
Nota:
As jy weet van enige projekte of waardige sake wat Liefde in Aksie – ons praktiese omgee been hier by die blog – kan ondersteun laat weet gerus. Ek sal graag wil weet daarvan of selfs net bewusmaking wil skep soos Abba lei. Dankies!
