Anker van Hoop

Etiket: geestelike+groei

  • Die Lappop

    Die Lappop

    Genade onbeskryflik groot
    Ons sing dit so graag
    Ons vergeet…
    Optel-goed is vat-goed

    Dis mos wat die kinders vir mekaar sê
    Wanneer hulle iets optel wat nie aan hulle behoort
    Het julle geweet
    Dit is wat God met ons gedoen het

    Ons het soos lappoppe, net soos die liedjie sê
    Op die ashope van hierdie lewe gelê
    En toe het Abba gesê
    Vir julle, vir julle wil Ek hê

    Ja steeds het Hy dit gesê
    Vandag sê Hy dit steeds
    Voel jy soms…
    Voel jy soms soos daai lappop wat op die berg van die ashoop lê?

    Ja soms vergete
    Soms so opgetrap
    Soms so besmeer
    Soms so seer

    Ja Ek weet, Ek weet dis hoe julle soms voel
    Dis hoekom julle vir ure net op TikTok lê
    Soos ‘n lappop net goed genoeg vir niks…
    Dis wat die duiwel vir julle sê

    Het julle geweet?
    Daar is dinge wat Ek deur julle wil skep?
    Deur julle gedagtes? Deur julle hande?
    Deur julle werke in en saam met My?

    Ja sê Abba
    Julle is gemaak vir veel meer as die ashoop
    Dis net, dis so moeilik om julle dit te help sien
    As julle alreeds die teendeel in julle gedagtes ervaar

    Ja soos julle gedagtes sê die heeltyd
    Oor en oor…
    Ek kan nie, ek wil nie, ek gaan nie
    Ek stel nie belang nie

    Het julle geweet, het julle soos rerig geweet…
    Daar is groot drome oor julle lewens geskryf?
    Wel dis die dag toe Ek julle gemaak het, toe het Ek gesê…
    “Vir Groot Dinge Gemaak”

    Dis letterlik waarmee Ek julle afgeteken het
    Soos My signature sign
    Net soos Nike, julle weet
    Ja sien, dit is julle oorsprong, dit is waarvan af julle kom

    Ek weet, Ek weet
    Meeste van julle sien of glo glad nie meer
    Daardie potensiaal oor julleself nie
    Soos Ek sê, Ek weet…

    Julle gedagtes is die van ‘n lappop
    Verniel soos die een wat op die ashoop lê
    Verniel deur die lewe se seer
    Verniel deur die lewe se swaar

    Sjoe as ek geweet het die lewe gaan so uitdraai het ek dit al lankal geëindig
    Ek weet, vir baie van julle is dit die oplossing
    Die enetjie wat vlytig vir julle waai en julle nader wink
    Kom, kom eindig jou lewe…

    Dis mos maar wat die duiwel vir mense sê
    Wanneer hy dit reggekry het
    Om vir mense
    ‘n Gemors van hulle lewe te laat maak…

    Gemors
    Gemors
    Goed vir niks
    Dis mos wat hy vir julle sê

    Ek weet sê Abba
    Ek weet want Ek is die Een wat gedagtes lees
    Ek wil hê julle moet terugkeer na die waarde wat julle gehad het
    Voordat julle dit vir die duiwel gegee het

    Ja Ek weet, Ek weet
    Julle het dit vir die duiwel gegee
    Hy het daarop getrap
    Hy het dit vermorsel

    Hy het vir julle kom vertel, dis nie waar!
    Jy is nie gemaak met ‘n doel
    Daar is geen spesiale rede hoekom jy hier is
    Waar kom jy daaraan jou liewe idioot?

    Nee laat ek eerder vertel
    Wat ek sien, wanneer ek jou sien
    ‘n Waardelose niksnut
    ‘n Waardelose nikswerd

    Dit is wie jy is
    Dit is wat ek sien
    En sien dis die ding…
    Tot vandag kan julle kies na watter stem julle wil luister

    Die een wat julle waarde afbreek
    Of die een wat julle waarde opbou?!
    Sien, die keuse is julle s’n
    Dis ‘n keuse, dis ‘n keuse

    Jy kies
    Ek gaan saam met God van hierdie ashoop afklim
    En saam met hom stap
    Na ‘n lewe van oorwinning en hoop…

    Of
    Ek gaan op die ashoop bly sit en myself bejammer vir die res van my lewe
    Sien
    Dis ‘n keuse

    Ek weet
    Ek weet baie van julle wil dit nie hoor
    Maar Here, dit was hulle!
    Hulle is die rede dat ek hier sit!

    As hulle nie my besigheid onder my uitgesteel het nie
    As hulle nie dit gedoen het nie, as hulle dat nie gedoen het nie
    Nee sê Abba
    Ek wil hê jy moet begin kyk waar jy verkeerd gegaan het

    Waar jy verkeerde afdraai-paaie gevat het
    Waar jy mense ingedoen het en skelm was
    Waar jy vir mense stories en leuens vertel het
    Nee, net dit

    Net die waarheid
    Net waar jy verkeerd gegaan het
    As jy nog nooit sonde gepleeg het nie, dan is dit okay
    Dan kan jy die klip optel en hulle gooi

    Maar julle kan nie My kinders
    Julle kan nie want julle weet dis waar
    Vader ek het ook aandeel daaraan
    Ek is ook skuldig

    Julle moet weet
    My weë is lig
    My weë lei na sukses
    Veral in julle hart

    Daar waar vrede heers omdat jy weet …
    Ek het voor God reg gedoen
    Ek doen reg voor God
    Dis maar al My kinders, dis maar al

    Dis hoe Ek keer dat julle op die ashope van die lewe land
    Sien Ek kan nie keer, die kere as julle verkeerde afdraai-paaie vat
    Ek kan nie maar Ek wil
    Ja Ek wil

    Steeds staan Ek hier met ‘n rigting-wyser wat sê
    Hierdie kant toe My kant, hierdie kant
    Dis die weg van LEWE
    Dis die weg na LEWE

    Kies hom, kies hom…
    Die beter weg!
    Staan op, staan op uit die gemors
    Laat daai lappop lewe kry

    Ek kan dooie bene oprig
    Sê Vader
    En weer vars visie oor hulle skryf
    Net soos in die storie van Esegiël

    Is daar iets wat Ek, die grote God, nie kan doen?!
    Nee wat, nee wat … dit kan nie wees
    Al wat nodig is, is GELOOF
    Jy wat sê ja

    Ek gaan nie hier bly sit, Ek gaan sien
    Ek gaan kyk wat daar agter die horisonne saam met God lê
    Ja Ek kan sien, dit is blink
    Dit is my nuwe môre wat wag

    Saam met Christus
    Hoef ons nooit op die ashoop te bly lê want sien Hy weet
    Hy weet waarvoor is ons gemaak en Hy wil ons graag daar uitbring
    Efesiërs 3:20…

    Meer as wat ons kan dink of droom
    Dit is wat God wil waar maak in ons lewe
    Deur Sy krag wat in ons werk
    Dit is, AS ons sal sê… JA.

  • Maak Spasie…

    Liewe vriende,

    Welkom by die eerste nuusbrief vir 2024! Kan julle glo, dit is al Februarie?

    My gebed is dat ons elkeen hierdie jaar in ‘n hegte noue band met die Here sal bly wandel. Dit gebeur soms so vinnig dat mens begin afdwaal en ander dinge belangriker raak so ek wil saam met julle vir Jesus toestemming gee om ons te kom herinner sodra ander dinge te veel tyd en aandag van ons in beslag begin neem. Amen? Amen.

    My hart vir hierdie jaar is om Abba Vader se wil te bly doen, met die bediening, met als wat Hy van my vra. Dit gesê, wil ek julle die geleentheid gee en vra om maandeliks of eenmalig te ondersteun. Bougenote help regtig en maak ‘n verskil! As jy glo in die werk wat ek saam met Hom doen, as dit waarde tot jou en ander lewens voeg help dit asseblief groei en doen waarvoor dit geroep is. Ek waardeer elke hart wat seën en saai, met geld of gebed. Baie dankie.

    Bank besonderhede:
    Rekening Naam: Anker van Hoop
    Bank: Capitec
    Rekening Nommer: 1507489631
    Takkode: 470010

    Julle kan ook hierdie vinnige en maklike betalingsbladsy van Yoco gebruik, veral as julle oorsee woon.

    Die eintlike rede waarom ek hierdie e-pos vandag na julle elkeen se posadres in die kuberruimte stuur is omdat ek glo dat Abba wil hê die VLOEI sessie van laas week moet ook julle oë en ore bereik! As jou hart geroer word om te kyk, doen so asseblief. Daar is ‘n spesiale uitnodiging wat lê en wag vir elkeen wat hom sal opneem. Opoffering sal dit vra, die moeite werd sal dit wees. Sê ja! Kliek hierdie skakel om hom te kyk.

    Dis vir my so lekker om in te loer, om hierdie boodskap vir julle te skryf. Ek hoop dit bemoedig en versterk julle verhouding met Jesus. Ons moet Sy hand in elke seisoen bly vashou vriende, dis al hoe ons smaak wat Hy voorberei het in hierdie pragtige liefdesreis saam met Hom.

    Moenie opgee op jouself of die werk wat die Heilige Gees in jou wil voltooi nie. Die werk gebeur dalk nie oornag nie maar dit gebeur as ons sal aanhou en uithou. Elke tree met Abba Vader is mooi en het goud so moet geen dag saam met Hom wegwens nie! Elke stukkie as kan Hy verander in sieraad. Laat toe dat Vader vir jou vergifnis en genade vir jouself leer. Dit spruit uit die perfekte prys betaal aan die Kruis van Golgota.

    Vrede en vreugde, dis wat ek oor julle spreek in Jesus se almagtige Naam. Sonder Hom, waar sou ons wees?

    Liefde, tot volgende keer!

    Letitia

  • Bad van Wedergeboorte

    Bad van Wedergeboorte

    Pappa … dis modder né
    Modder wat ons nooi om in hulle te bly rondrol
    Dis wat hulle wil hê ons moet bly doen
    Soos ‘n vark dat hulle die heeltyd vir ons kan bly sê …

    Ons is varke
    Die waarde van ‘n vark aan ons kan bly heg
    Abba sê Hy het die price tag van sonde van ons kom afhaal
    Dis nie meer wie ons is nie

    Hy het die waarde van Sy Seun se kruisdood aan ons kom heg
    Dis wie ons nou is
    Vrygekoop, losgekoop
    Skuld niks

    God het ons voete kom vry maak
    Sodat ons saam met Hom
    Na hemelse plekke kan sweef
    Hemelse Plekke

    Al hoekom ons in sonde bly vassit
    Daaraan bly kleef
    Is omdat ons nog nie ons waarde sonder dit ontdek het en ken nie
    Dis soos ‘n oewer waarvan ons moet wegvaar

    See you later
    See you never
    I’m not coming back
    Ek gaan ontdek wat agter die horisonne lê

    Ons word uitgenooi na ‘n nuwe lewe
    ‘n Beter lewe saam met Hom
    Ja dit gaan vreemd wees en voel aan die begin
    Maar dink daaraan … dis ‘n beter lewe, ‘n voller een

    Dis soos Egipte en die Beloofde Land
    Ja baie van God se kinders wou net teruggaan
    Konstant, na die vleispotte van Egipte
    Al was hulle in slawerny

    Sonde laat mens swaarkry
    Dowwe oë, slegte woorde, lewens sonder ‘n lied
    Nie die een wat jy voorgee wanneer jy by vriende is
    Maar die een wanneer jy alleen in jou bed lê en wonder … Is dit nou dit?!

    Ons word geroep na ‘n lewe van meer
    ‘n Lewe saam met die Een wat Sy Seun gegee het vir ons
    Die Een wat ons liefhet meer as al die oseane se druppels water
    Ontelbaar, onmeetbaar

    Is God se liefde vir jou nie groot genoeg om te sê:
    Ja liefste Jesus, ja ek het U ook lief
    Ek wil dankie sê vir die liefdesoffer gegee aan my
    Ek wil U ontdek, ek wil U ook beter ken

    Ja dis ‘n oewer waarby baie van God se kinders nog nie aangedoen het nie
    Hulle sit en wonder …
    Sal ek, sal ek nie trek?
    Abba seblief help ons dit regkry

    Die doop is die Rooi See
    Dis die vir-goed-baai-sê
    Dis daai besluit, ek gaan oor
    Ek gaan oor na die anderkant, saam met Hom

    Jesus het Sy hand gelig, soos Moses, daai dag toe Hy sê
    Ek het vir sonde betaal!
    Ja baie van God se kinders trek deur sonder die doop
    Hulle trek deur want hulle glo nie dat dit nodig is

    Jesus se dood het mos klaar betaal vir my sonde
    Hoekom moet ek nou nog deur die doopwaters gaan?
    Dis ‘n aksie My kind
    ‘n Aksie wat sê … ek trek nou nuwe klere aan

    Ja party van My kinders gaan hulle klere eers in die Hemel kry
    Dis nou maar hulle keuse né
    Ek wens hulle wou luister wanneer Ek sê
    Gaan bad nou, gaan bad!

    Maar nee hulle bly glo, ‘n waslap doen die werk
    Dis soos ‘n hand-bad
    Ja hulle het al van die stof en modder ontslae geraak
    Maar hulle bly glo, dis genoeg … hoekom sal ek nou ‘n ordentlike bad wil hê?

    Dis soos ‘n groot spoil My kind wat Ek vir julle voorberei het
    ‘n Bad met borrels, lekker warm en vol seep
    Dis maar al wat Ek vir julle voorberei het
    ‘n Bad wat sê … welkom terug by die huis!

    So lank het Ek jou gemis
    So lank het Ek jou terug verwag!
    Vriend, vriendin
    Dis al wat dit is, ‘n bad waarin jy kan baljaar!

    Hoekom dink julle is dit so
    Dat sovele na die doop met water silwerskoon voel?
    Dis omdat hulle gewas is met die Water van My Woord
    Wees gehoorsaam My kind, wees gehoorsaam!

    Dis maar al wat Ek vra
    Moenie jou eie kop wil bly volg
    Maar ja as dit vir jou verskriklik bly voel
    Los dit dan maar

    Eendag gaan jy in die Hemel jou bad kry
    En dan gaan jy dink …
    Ai tog, het ek maar lankal terug
    Gedoen wat ek nou doen!

    ‘n Verheerlikte liggaam
    Dis maar al wat reeds hier op aarde kan begin
    Met die liggaam wat Ek julle gee
    Na die aardse doop

    Ek hoop julle het hierdie prentjie geniet
    Ek hoop julle het hom verstaan
    Doop van Wedergeboorte, bewys van die nuwe mens
    ‘n Nuwe lewe het begin, een wat in Jesus se voetspore volg

    Amen.

    Abba het dit ook op my hart gesit om ‘n video met hierdie boodskap op te neem en vry te stel, julle wil hom kyk! Kliek Hier Vir Die Video

  • Staptog van die lewe

    Staptog van die lewe

    Hoop onvervangbaar groot
    Hoop wat nie opgee nie
    Genade wat bly soek
    Dit is ons God se Naam

    Wonderlik-groot
    So wonderlik-groot is Hy
    Niemand kan ooit met Hom vergelyk word
    Ek is so bly dat ek aan Hom behoort

    Nooit het Hy opgegee op my
    Vandag nog soek Hy na meer
    Meer van my oorgee
    Meer van Sy geliefde aan Sy sy

    Hy’s wonderlik-goed
    Hierdie God van my
    Ek wens meer mense wou Hom leer ken
    Ook hulle harte aan Hom gee

    Dit is die heel-beste-besluit
    Wil ek oor-en-oor aan hulle sê
    Hoekom julle harte teëhou
    Hoekom nie ook oorgee?

    Julle, dis die heel-heel-beste besluit
    Hoor julle my?
    Seblief begin mense se opinies oorweeg
    Veral van die wat Hom waarlik ken

    Julle sal fonteine van hoop
    Voel oopbreek in julle hart
    Fonteine van Hoop
    Ek weet nie wat anders om hulle te noem

    Ja groottes, kleintjies
    Van oral-oor sal hulle begin opspring
    Daai krake van die verlede
    Hulle sal dit begin oorstroom en deurstroom

    Liefste kinders van Pappa-God se hart
    Myne
    Kleintjies
    Julle wat aan My behoort

    Julle bring soveel vrede
    En vreugde na My hart
    Julle wat vertrou
    Julle wat My wil bly ken

    Julle moet nooit opgee
    My kinders, seblief
    Die steiltes is partymaal hoog
    Maar saam met My kan julle, sal julle triomfeer

    Julle is gemaak om saam met My te triomfeer
    Kinders oor die steiltes en hoogtes van hierdie lewe
    Net soos Rocky hande-in-die-lug
    Nadat hy daai stel trappe kon baas-raak

    Ja liefstes net soos hy
    Sal julle ook hande omhoog
    Na My kan kyk en skree
    “Halleluja, ek het dit gemaak!”

    Oe die genot wat ook Ek put
    Sê ons Abba
    Uit die steiltes van die lewe
    Wat ons saam kon baas raak

    Ja dit verskaf My net soveel vreugde
    My liefste kinders
    As Ek kan terugkyk saam met julle en sien
    Sjoe ons het die amper onmoontlike baas geraak

    Ja sien sê Abba
    Daar’s baie kere hoë stelle trappe
    In hierdie lewe
    Wat mens laat moed verloor

    Wat mens laat dink
    “Hoe op dees aarde gaan ek dit maak?
    Hierdie berg gaan ek hande-viervoet moet klim”
    Ja kinders

    Soos wafferse staptog-bendes (hikers)
    Gaan julle moet in-hak en sê
    “Nou is dit vorentoe
    Daar is ‘n prag-uitsig wat wag”

    Ja geen terug-draai
    Net vorentoe
    My kinders Ek sien altyd elke stukkie voortbeur
    Daai gedagtes van “Ek kan, ek kan, ek moet net nie opgee”

    Ja hierdie wêreld is vol klowe
    Donker gate, donker hoeke
    Met staptog-roetes
    Wat weer opkrul vanuit die klowe

    Liewe kinders
    Dis nie altyd maklik
    Hierdie staptog van die lewe
    Om hom baas te raak vat aanhouers-wat-wen

    Ja dis die wat nie uitsak nie
    Maar volhard tot die einde
    Dis aan hulle sê Abba
    Wat Ek die kroon van die Lewe beloof

    Het julle al gelees sê Abba
    In die Bybel praat Ek van die baie beproewinge
    Waardeur My kinders sal moet gaan
    Voordat hulle by die Hemel arriveer

    Ek weet julle verstaan dikwels nie
    Al die storms wat julle moet trotseer
    My kinders Ek weet daar is heelwat van hulle
    Wat julle uitmekaar wil skeur

    Dis soos leeus sê Abba
    Wat hulle prooi verorber
    Dis dikwels hoe julle dit ervaar
    God se genade is genoeg

    Het julle dit al My kinders
    In julle Bybels raakgelees?
    Daai kere in die Bybel wat Ek aan julle beloof
    Julle sal die leeukuile van die lewe nooit alleen hoef te betree

    Ja My kinders
    Ek is ‘n getroue God
    Soos Ek die leeus van Daniël se monde gesluit het
    So sal Ek dieselfde met joune doen

    Ja hulle kan maar brom en grom
    Maar nie ‘n stukkie van julle vleis
    Sal hulle die genoegdoening kry
    Om van te vreet

    Dis dikwels al genot wat hulle vind …
    Om te sien hoe die vrees wat hulle inboesem werk
    Die vrees wat mense laat wonder
    “Het my laaste dag dalk aangebreek?”

    Ek is soveel groter kind
    As enige leeu wat vir jou kom brul
    As enige leeu wat jou kom bang praat
    Ja julle weet daai vrese wat hulle inboesem …

    “Dit gaan gebeur
    En dan dit, en dan dit
    Jy staan geen kans
    Jy kan sommer maar net hier-en-nou opgee”

    Nee liefste kinders
    Nee
    Julle moet deur die dikwels-moeilike-omstandighede in julle lewe
    Nie altyd soek na ‘n uitweg om dit te ontduik

    Ja Ek weet
    Dit is uitdagend
    Dit toets julle uithouvermoë op heelwat vlakke
    Maar kinders dis enorm, die groei potensiaal wat dit geestelik vir jou inhou

    Dieper en meer
    Meer van God
    Dieper saam Hom
    Dit kan julle in sulke tye bid

    Wys my meer en meer Abba
    Asseblief
    Die vermoë wat U het
    Om My deur die donker dae van hierdie lewe te help

    Ja dis wat Ek doen
    Dis wat Ek graag doen
    Die Heilige Gees is gestuur om julle in tawwe tye by te staan
    Altyd by julle te wees

    Het julle geweet
    Julle kan in donker dae vra
    Heilige Gees
    Help my asseblief hierdeur?

    Help my om te weerstaan en neer te lê
    Die hopeloosheid wat my omring
    Die gefluister wat sê
    “Gee op, dit help nie eers jy probeer”

    Het julle geweet
    Kinders van Abba
    Negatiewe praat, negatiewe wonder
    Dit is nie van Hom?

    Ja dit is dikwels wat ons sink
    Daai negatiewe saam-praat
    Met Satan en al sy bose maats
    Ons moet slimmer as hy raak

    Ja die swaar sal nie bly
    Hy sal nie bly wen
    As ons nie meer bely
    “Hy gaan wen”

    Ja hy gaan nie
    Want God is groter
    Sal jy dit eerder begin sê
    Kind dit waarlik glo?

    Ek werk met julle geloof
    Kinders dis baie dikwels wat Ek nodig het
    Kinders wat glo
    Ek wil, Ek kan

    Julle samewerking word benodig
    Julle oorgawe
    Julle vertroue
    Julle aanhou vashou

    Julle positiewe praat
    Dit maak ‘n verskil
    Dit gee My iets om mee te werk
    Dit sluit julle nie toe in tronke van ongeloof

    Hou aan kinders, asseblief
    Om oë op My te hou
    Om te weet Ek is vir julle
    En saam gaan ons dit maak

    Ek verwyder nie My kinders
    Aldag die probleme
    Want Ek wil hê jy moet groei
    Saam met My spiere bou

    Ja kinders pap spiere werk nie
    Hulle gaan net solank die pas kan volhou
    Dan gaan hulle ingee
    Sê die inspanning raak te veel

    Ek wil hê julle hande
    Moet bietjie langer begin bo-bly
    Kinders net soos Moses s’n
    Toe hulle die geveg moes wen

    Ja hy is hulp gestuur
    Om sy arms bo te hou
    Dis hoekom Ek daar is sê Heilige Gees
    Ek en die Woord sal Aäron en Hur vir jou wees

    Hou jou hande hoog kind
    Hoog in die storm
    En sien hoe Ek hierdie geveg vir jou veg
    Sien hoe Ek hom wen

    Ja My kinders, ja
    Sterker spiere moet ons bou
    Net soos Rocky
    Oefen daai spiere, elke dag bietjie meer

    Slaan, boks, staan vroeër op in die oggende
    Begin opgee wat jou terughou
    Drink daai proteïen-drankie
    Fiks in gees, dit is waarnatoe ons werk

    Fiks in gees
    Fiks in gees
    Dis waar Ek so graag
    My elke kind wil hê

    Fiksheid in vlees
    Dit het ‘n nut
    Maar veel beter is hy wat hom beywer in die gees
    Het julle dit al in die Bybel raak gelees?

    Kinders van Abba
    Ek wil hê julle moet weet
    Julle is sterker as wat julle dink
    Veel, veel sterker in My as in julleself

    Begin wapens optel
    Wapens van Lig
    Glo soos Ek glo
    Doen soos Ek doen

    Dit dra veel meer waarde
    Kinders
    As wat julle dink
    Julle kan op My manier veel meer vermag

    Veel, veel meer
    Begin op My manier baklei
    Weer die gewonder met My Woord af en weet altyd
    Ek, Ek is vir jou

    Dis omdat Ek weet sê Abba
    Wat Ek met jou donker dae kan doen
    Dis hoekom Ek hulle partymaal toelaat om te gebeur
    Dis omdat Ek weet ‘n reus van geloof kan Ek in jou laat opstaan

    Ek praat nie van al die verkeerd en seer
    In hierdie wêreld nie kinders
    Ek praat van die tye wat Ek rerig kan gebruik
    Om soveel goud in julle gees te ontgin

    Julle mis hulle partymaal
    Baie kere
    Omdat julle nie dink of besef
    God kan dit draai vir goed

    Ja My kinders
    Ek kan selfs die seerste seer
    Iets maak waarna jy
    Kan terugkyk met waardering

    Dis My vermoë
    Dis wie Ek is
    Vir jou
    Vir elkeen

    Amen.