Staan op God se Woord
Lees ons in dié tyd Sy beloftes
Laat dit ons verfris
Hoop en genade gee?
Ja My geliefde kinders
Dit sal krag gee soos min
Gaan lees bietjie Bybels
Gaan kyk hoe ewigdurend is My trou
Mooi en min
Dis hoe mense hulle Bybels lees
Dis mooi sê hulle gou
Maar hulle lees dit te min
Julle moet meer
Julle Bybels oopmaak en lees
Glo wat daarin staan
Dit gee hoop vir die hopelose, genade aan die genadelose
Ja dis in tye soos dié
Sê Abba
Dat julle moet gewortel bly
In die Woord en wat daarin staan
Julle moet meer sê
Glo so
Glo dit
Nie andersom
My kinders
Die Bybels in julle huise
Moet in dié tye die koerante raak
Wat julle gulsig verorber
My kinders
Hoekom lees julle nie
In dié tye
Die woorde wat Ek vir julle opgeskryf het daarin?
Julle kyk een nuusflits na ‘n ander
Dis die nuutste
Die een sê sus
Die ander een sê so
Ja My kinders
Dis wat moet gebeur
Julle moet begin bid en Bybels lees
Soos wat julle die nuus van die aarde opneem
My kinders
Hoekom meer tyd aan die wêreld se nuus spandeer as aan Myne?
Is My Nuus dan nie die Goeie Nuus nie vra Abba
Ja die nuus wat elke mens op aarde so bitter baie nodig het
Julle moet begin Bybels optel
Vertel eerder vir mekaar
Dit is my gunsteling nuusflits uit die Woord
Hoor ‘n bietjie hier
My kinders
Julle is soms
Net soms 😉
‘n Bietjie te veel gepla met die gebeure van hierdie wêreld
Ja My liefste kinders
Net soms
Te veel 😀
Ai julle weet wat Ek bedoel
Julle moet julle bietjie minder bemoei
Met die dinge van die wêreld
En begin bemoeisaak raak
Met die dinge wat saak maak vir My
Ja geliefdes van Pappa se hart
Ek weet
Ek weet hoe om vrede en vreugde
In julle harte te laat toeneem
Julle verstaan nie kinders, julle besef nie
Die dinge waarmee julle, julle bemoei
Die dinge wat julle lees en sien en hoor
Die drein die lewe uit julle hoop se ledemate
Net soos Hang Man
En verkeerde woorde raai
My kinders julle moet inprop by HOOP
En julle moet ingeprop bly
Ja dis tawwe tye
Waarin julle, julle tans bevind
Dis nie maklik maar dit is moontlik
Om hulle saam met My te trotseer
My kinders julle moet dit onthou
Die woorde wat Ek nou vir julle sê
In die dae wat voorlê
ALLE DINGE is moontlik saam met My
Ja die waters is hoog
Die branders geweldig
Hulle ruk en pluk soos ‘n warrel-storm-wind
Aan die hyse van julle lewensbote
Ja ons gaan ondergaan
Dit is nou net seker
Tot hier kon ek nog weerstand bied maar meer?
Nee wat, ek kan nie meer
Soms My kind, soms gaan hierdie woorde kom klop
Hulle gaan probeer om julle te oortuig
Dis nou maar dit, dis oor
Dis verby, gee maar op
Opgee is nie ‘n opsie by My nie
Kinders julle weet dit seker al
Julle wat My ken, julle weet
Opgee is geen opsie
Daar is geen-geen opgee in My
Tot die bittereinde veg ek verbete
Vir elke kind van My
Ja Ek gee nie op nie, Ek kan nie
Dis net daai Verbete Vegter in my
No ways, no ways, no ways
Ek gaan nie ondertoe nie
Vir boontoe gaan is Ek gemaak
Ja al bevind ons, ons soms
In die valleie van die lewe
Is dit net sodat ons die heuwels se toppe meer kan waardeer
En ons daarin met groot blydskap kan verheug
So moenie bang wees vir die dae wat julle vertel
Dis verby, daar’s geen hoop
Want!
Julle God is nog hier
Het Ek nie beloof geliefdes van Abba
Ek is by julle tot aan die voleinding van hierdie wêreld
Al wat julle in hierdie dae moet doen kinders
Is dieper-kom-wegkruip-by-My
Julle weet
Soos wat ‘n hoenderhen haar kuikens onders haar vlerke laat nes maak
So dieselfde met My
Ek sal My vleuels oor julle span en julle veilig hou terwyl die storm verbytrek
Ja My kinders
Van julle, meeste van julle, almal van julle wat dit sal doen
Dieper by My kom wegkruip
Sal ervaar hoe Ek julle shelter van die storm, hoe Ek julle vashou met ‘n liefde onbeperk
So moenie bang-wees My kinders
Om juis dit te doen
Kom kruip weg, dieper en meer
Onder die vlerke van die Ewige Allerhoogste God (Psalm 91)
Dinge moet gebeur My kinders
Dis lank terug gesê
Ons kan nie alles ontglip
Dis deel van die wêreld se geskiedenis
Maar ja, soos Ek sê
Ek is hier
Die Almagtige
Tot die einde
Saam met My kinders
Die Bittereinder
Ek gaan nêrens
Nêrens, nêrens, nêrens anders
As net hier by My kinders bly
Ek het mos beloof
My Woord is My eer 😉
Saam met julle tot die einde
Ek sal julle nie as wese agterlaat
So kom ons sê dankie Heilige Gees
U is die Een altyd by ons
Drie-Enige … God, Seun en Heilige Gees, ons is so dankbaar vir U
Kom kruip dieper weg
Wanneer die dinge van die wêreld jou hart wil oorweldig
Kind moet jy weet
Daar is ‘n antwoord
Daar is ‘n beter opsie as die wêreld
En haar depressiewe nuusberigte
Dis Ek, sit by My
En jy, jy wat jou Woord die Goeie Nuus oopmaak en begin lees
Ja lees, lees, lees
Tot dit begin lê
Lae diep in jou hart
Kind, kinders
Dis wat julle gaan deurtrek in hierdie donker dae
Hou moed, hou moed, hou moed
En ja stuur bietjie aan
Vir ‘n wêreld wat nodig het om te hoor
God is goed
God is groot
God is by ons #Emmanuel
Die beste nuus! Die mooiste nuus! Die goeie nuus!
Amen.