Suiwer my hart Here Jesus
Maak dit skoon
Vat weg
Alles wat nie daarbinne hoort
My grootste behoefte
Is om U te dien
Met my alles
Net soos U van my vra
Ek wil nie meer lou wees nie
Dit maak my moeg
Die wêreldse gesoek
Na altyd meer
My begeerte is na U
Voluit wil ek die pad stap
Nee vir terugdraai
Nee wanneer hulle sê probeer net weer
Op U Jesus
Sal ek bly staan
Geanker op die Rots
Wat nooit nie kan vergaan
My hoop, my anker
My lewe dit is U
Mag dit altyd so wees
Dit is die vra van my hart.