Deur die donkerste storms
Is ons Pappa-Vader altyd daar
Hy sal ons hand bly vashou
Ons nooit in die steek laat
Hom kan ons vertrou
Altyd na Hom bly kyk
Hy sal ons deurdra
Ons ware Anker wees
Kinders julle kan My vertrou
Deur die storms kan julle altyd weet
Ek is daar
En Ek gee om oor jou
Moenie die storm wegwens nie
My liefste kinders
Hou asseblief net vaster
Kom nog nader aan My
Kinders dis wat Ek julle
Wil en kan leer
In die storms
Dat Ek so getrou is
Kinders julle kan My hand bly vashou
Altyd weet dat Ek naby is
Ek sal julle nooit los
My rug op julle draai
Kinders julle moet asseblief vashou
In die storms van die lewe
Vaster aan My
Moenie dan dink aan My hand los
Nee liefste kinders
Dis dan veral wat julle moet vashou
Julle oë op My bly hou
Saam met My vorentoe beur
Kinders Ek sal My oë
Nooit van julle afhaal nie
Verstaan julle nie
Ek is altyd daar
Ek is die Lig in die donkerste nag
My liefste kinders
Geen duisternis
Kan My liefde uitdoof
En kinders dis wat Ek vir julle wil doen
Dis wie Ek vir julle wil wees
Die Anker waaraan julle
Nie net in krisis-tye vashou
Kinders asseblief
Kom nog nader aan My
Kom sien wat Ek julle wil leer
Kom sien dat Ek julle styf vashou
My kinders
Ek sal julle nooit los nie
Ek wil hê julle moet dit weet
Dit nooit ooit vergeet
Dis Ek wat My kinders deur die donkerste
Diepste storms van die lewe bly dra
My kinders die waters sal julle nie verswelg
As julle My hand bly vashou
Kinders Ek wil meer
Vir julle doen
Meer vir julle gee
As waaroor julle ooit kan droom
Kinders asseblief
Julle moet nog ‘n tikkie nader kom
Kom sien watter wonderlike dinge
Ek in My hart vir julle verborge hou
Kinders julle moet My glo
Asseblief
Net soos ‘n kind
Dit is die vertroue wat julle elkeen moet wys
Kinders julle kan nog nader kom
Asseblief dit is wat Ek so graag wil hê
Dat julle altyd-altyd julle oë op My sal hou
Dat julle nooit sal dink aan opgee
Kinders asseblief
Ek wil hê julle moet weet
Dis wat Ek julle wil leer
Om in die stormtye van die lewe nader aan My te trek
Kinders asseblief
Julle moenie dan dink aan wegbeweeg van My
Nee julle moet dan veral
Net vaster hou aan My
Kinders asseblief
Dis wat Ek julle wil leer
Dis wat Ek wil hê julle moet weet
Dat Ek in die diepste, donkerste storms van die lewe daar is
Kinders asseblief
Hou op om julle hart en hoop
Op ander dinge
Bo My te plaas
Kinders Ek wil nie hê
Dat dit so sal wees
Ek wil vra vertrou My hart
Vertrou asseblief wie Ek is
Deur elke storm in hierdie lewe
Sal Ek My kinders dra
Altyd by hulle wees
Nooit – saam met hulle – opgee
Kinders van die wêreld
Kinders van My hart
Julle moet weet dat Ek altyd daar is
Ek sal julle nie verlaat
Kinders julle moet weet
Julle moet leer
Dat Ek in die storms van die lewe
Die ware Anker is
Kinders dit is wie Ek bly
Dit is wie Ek altyd sal wees
Daarom maak My asseblief die Anker van jou lewe
Die Anker van jou hart
Halleluja, Amen.