Ons wil juig en sing
Van U liefde groot
Ons wil in aanbidding
Bly neerbuig
U is God
U is ons Rots
Die Ewige EK IS
Daar is geen ander soos U
Dankie Abba-God
Vir wat U in hierdie lewe
Vir ons bly beteken
Dankie dat U altyd by ons is
Om U te dien is
Louter vreugde
Om U te bemin
Om te weet wie U rerig is
Liefste Koning-God
Daar is net niemand soos U
Ons wil U in ons harte innooi
Elke dag ‘n bietjie meer en meer oorgee
Liefste Koning-God
U is God
U bly altyd in beheer
Maak nie saak wie of wat die duiwel daarvan sê
U is God
U bly altyd in beheer
Ons lewens hou U in die holte van U hand
Niks of niemand kan keer as U wil bly werk
Liefste Koning-God
Dankie vir wie U is
Die Anker van wie ons is
Die Anker van ons hele bestaan
Hierdie lewe wil ons nie
Sonder U aanpak
Want saam met U Vader-God
Sal ons oor die dinge van die wêreld triomfeer
U is soveel groter as hierdie lewe
Hoekom sal ons nie U hulp wil vra
U wat die Antwoord
Op al ons probleme is
Liefste God ons gee U
Al die lof en eer
U is in beheer
Dit sal ons harte bly sing
Niks is daar waarvan U nie weet
Daar is niks wat U nie kan omkeer
Ons Abba-God sê
Baie dankie daarvoor
U is alles
Alles en meer
As waarvoor ons
Ooit kon vra
Dankie Abba liefste God
Vir U warm liefde in my hart
Dat U altyd sal omgee
Dat U my nooit aan myself sal oorlaat
Ek lief dit so o Heer want Ek weet
Dat U die Een is wat so mooi na U kinders kyk
Om onder U sig te wees
Dit is en bly my beste beskerming
Dankie Abba-God, dankie
Dat U so mooi liefdevolle ogie
Oor U kinders hou
Ons waardeer dit terdeë
Altyd mag U dit maar doen
‘n Kykie oor ons lewens hou
Ons kom haal wanneer ons afdwaal
‘n Pakslae gee wanneer U weet dat ons dit nodig het
Dankie Abba-God
Dankie dat U weet
Hoe om die beste in ons
Na vore te bring
Ons lê ons lewens neer
Ons harte se tuine
Sodat U dit kan bewerk en ons die
Mooiste-ooiste vrugte vir U Koninkryk kan dra
Sodat mense U kan sien
Sodat nog meer mense U kan leer ken
Want ons wil nie
Alleen hemel toe gaan
Dit bly vir ons die grootste voorreg
Om U te dien
Aan U o liefste Heer en God
Wil ons al die lof en eer van ons harte toe bring
Amen!