Die wêreld wil Ek verander
Deur JOU
Die wêreld wil Ek ‘n beter plek maak
Deur JOU
Deur jou wil Ek reg en geregtigheid
Op hierdie aarde laat geskied
Deur jou wil Ek opstaan
Vir dit wat reg en verkeerd is
Ek wil jou deel maak
Van als wat reg is
Ek wil nie hê jy moet deel wees
Van dit wat verkeerd is
Hoe kan ons hande gevou sit
As daar ‘n gebroke wêreld is wat buite wag?
Hoe kan ons bly weier om Jesus se liefde uit te deel
As dit ons Anker is en daar soveel mense is wat dit nodig het?
Sien liewe vriend ek en jy het ‘n taak
Om op hierdie aarde te verrig
In God se koninkryk moet ons werk maak van al die kwaad en nyd
Wat in hierdie wêreld van ons so hard baklei
Vader wil nie hê dat dit so moet wees nie
Hy wil nie hê dat ons moet stilbly oor al die kwaad wat aanhou gebeur
Hy wil hê ons moet die Stem word
Waardeur Hy met die wêreld kan praat
Deur ons wil Hy opstaan
Teen die ongeregtigheid in ons land
Deur ons wil Hy harte heel
Kinders gesond maak
Is jy bereid om die Kruik van Liefde
In Sy hande te wees?
Sal jy die Spreekbuis wees waardeur Hy
Sy waarheid wil bring?
As jy sou nader kom
Sy hart waarlik kom hoor
Sou jy hoor wat dit is wat Hom bly maak
Jy sou weet wat breek Sy hart
Kan ek jou nader nooi
Kan ek jou vra om ons Koning se hart te kom verken
Daarin sal jy vind liefde vir die mensdom onge-ewenaar
Liefde wat die seer en spyt in elke hart met die sagste sag kan deurboor
Liefde met die potensiaal om hierdie wêreld te verander
Vergifnis soos wat Jesus uitgedeel het aan die KRUIS
Hoop wat aanhou glo en nooit moed opgee
Eenheid en vrede tussen die wat hulself kinders van God noem
Kan ek jou nooi
Liewe vriend, liewe vriendin?
Sal jy nader kom
Hom toelaat om Sy hart te ontbloot?
Hy is die Krag agter JOU
Hy is die Krag agter MY
Kom ons staan op vir Sy Naam en Koninkryk
Kom ons hou onsself besig met dit waarmee Hy hom besig hou
Mag Sy liefde jou seën
Mag jy die mooi dieptes van Sy hart ontdek
Mag jy in Hom die Ewige Lewe vind
Mag dit jou noop om hier en nou ‘n groot verskil in hierdie wêreld te maak
Lief vir jou vriend en vriendin
Met die liefde van Jesus
Mag ons in ons Koning se liefde ‘n passie en blydskap vind
Wat maak dat ons deur hierdie lewe rondomtalie draai.