Prins van Vrede
Ken julle Sy Naam?
Weet julle wie Hy is
Wil julle nie ook dat Hy in julle harte woon
Wie Hy is, is wonderskoon
So mooi is ons God
Sy Seun
Die Een deur wie ons kom
Ja voor ons Abba se Troon
Kan ons nie kom
As ons nie geklee is in wit
Ja dit is Sy Seun
Jesus Christus
Het vir ons kom sterf
Sodat ons weer ‘n kans sou hê
Om in God se teenwoordigheid te leef
Ja sonder Jesus
Staan ons nie ‘n kans
Ons klere is vuil
Ons harte besoedel van sonde vuil
Toe het Jesus ons kom was
Met Sy bloed aan ‘n kruis
Wit-gewas en rein
Trek ons nou ons Verlosser aan
Ons Pappa-God is groot
Sy genade meer as genoeg
Vir Sy plan van genade sê ons dankie
Loof en prys Hom gedurigdeur
Amen.