Vir die wie gekom het
Vir die wie lief is vir My
Wag daar ‘n Ewige Paradys
‘n Huis altyd saam met My
Vir die wie My gevolg het
Hulle lewens tot die dood toe nie liefgehad het nie
Wag daar ‘n Hemelse Paleis
Waar almal Jesus sal loof en prys
Van Sy groot liefde sal ons sing
Voor Hom in aanbidding neerbuig
Vir Sy groot genade dankie sê
Van Sy wonderlike dade getuig
Halleluja my God is groot
Ek is so lief vir Hom
Hy is my hele lewe
Die doel van my bestaan
Halleluja, Halleluja
Ons loof en prys U Naam
Grote God, Jesus – Seun van God en Heilige Gees
Word altyd meer in my hart en lewe
U Naam wil ek besing
Totdat die wêreld vergaan en daarna
U is die Rede
Die vrede en blydskap in elke dag
U vul my hart en lewe met soveel hoop
Min kan dit verstaan
Hoe hoop ek
Hulle kan ook dieselfde vind
Ook so voel
U loof en prys
Totdat die wêreld soos ons dit ken
In die niet verdwyn
Ek loof U Vader
Ek loof U grote Naam
Ek dank U vir wie U is
Altyd en altyd wil ek U prys
Amen.