Druppels van Liefde

Mooiste mooi druppels
Val op die aarde neer
Hulle benat die aarde
Hulle sit vrede en blydskap in my hart

Dankie Abba Vader
Vir liefde so bitter-baie groot
Saggies en rustig praat hulle met my
Vertel my van die diep liefde wat U vir my het

Ek wil dit koester Abba
Die saggiese gefluister
Vanuit die Hemele se Troonkamer
Die sagte geprewel hierbinne in my hart

Dankie Abba dat U ons liefhet
Dankie dat U nog met ons praat
Die druppels van liefde uit U hand
Ontvang ons met groot dankbaarheid o Heer

Abba-Vader kom benat ook dan ons harte en lewens
Met die reën van U Heilige Gees
Sodat almal wat na ons kyk sal kan sien
U is die Een wat ons harte bemin

Dankie Jesus, Pappa-God
Aan U al die liefde en eer
Abba ons bemin U hart
U is die Een wat ons harte besit

Halleluja, Amen.