As ons net bereid is
Om te skyn soos helder ligte
In ‘n donker wêreld
Kan ons so ‘n groot verskil maak
Ons kan saam met ons Abba Vader
Hierdie wêreld so mooi inkleur
Ja ons kan ‘n verskil maak, hier en nou
Dit is waarvoor ek wil aanteken
Ek weet nie van jou
Maar ek wil nie net ‘n alledaagse lewe leef
Ek wil ‘n verskil maak
Groot impak hê
Dit was nie altyd so
Ek het ook al baie kere in die verlede
Terug gesit en gedink
Ag dit is vir ‘n ander een
Tog het ek nie besef
En dit het Abba my kom leer
Hy het elke een van ons nodig
Om hierdie wêreld ‘n beter plek te maak
Ek hoop en bid dat ook jy bereid sal wees
Liewe vriend en vriendin
Om die mantel van verantwoordelikheid
Saam met My op te neem
Ja sê Abba Vader
Ja My liefste kinders
Ek word so bly as Ek sien dat julle aanteken
As julle sê hier is ek Abba gebruik my asseblief
Saam wil ons en saam kan ons
‘n Verskil maak
Ons kan hierdie wêreld
Met soveel mooiheid tooi
Dit is hoekom ons hier is
Ons is gestuur
Vind jou roeping
Leef vir God
Kinders van die wêreld
Kinders van My
Julle het nie ‘n idee
Wat ons hier op aarde saam kan verrig
Meld asseblief aan nog meer van julle
Die wêreld is ons missie
Ons gaan hom inkleur met hoop, genade en liefde
Ons gaan hom inkleur met Jesus Christus
Amen.